Breaking News 1

महेन्द्रनगर – कञ्चनपुर जिल्लाको भीमदत्त नगरपालिका वडा नं. ८ तिलाचौरस्थीत त्रिभुवन माध्यमिक विद्यालयमा श्री वीर बहादुर पाली बोगटी अक्षयकोष स्थापना गरीएको छ । मंगलबार भीमदत्त नगरपालिका वडा नं. ६ ऐठपुर निवासी सशस्त्र प्रहरी बल नेपालका डिएसपी राम बहादुर पाली बोगटीले आफ्नो आमाबुवाको सम्मानस्वरुप विद्यालयलमा एक लाख २५ हजार १ सय २५ रुपयाँ बरावरको अक्षय कोषको स्थापना गरेका हुन् । आफुले माध्यमिक तहसम्म पढेको विद्यालयमा अध्ययनरत गरिव जेहेन्न्दार, मिहिनेती, उत्कृष्ट र खेलाडी छात्रछात्राहरुलाई छात्रबृत्रि प्रदान गर्ने उदेश्यका साथ कोषको स्थापना गरीएको डिएसपी राम बहादुर पाली बोगटीले बताए । उनले कोष स्थापना गर्न आजै विद्यालयलाई रकम हस्तान्तरण गरेका छन् । उनले आफ्ना बुवा वीर बहादुर पाली बोगटीको नामबाट अक्षयकोष खडा गरेका हुन् । डि एस पि बोगटी एक शालिन, भद्रस्वभावका धनी र सामाजिक कार्यमा निकै रुचि राख्ने ...

महेन्द्रनगर–सुदूरपश्चिम विश्वविद्यालय केन्द्रीय क्याम्पस महेन्द्रनगरमा १४ साउनमा हुने स्वतन्त्र विद्यार्थी यूनियन(स्ववियु) निर्वाचनमा विवाद भएको छ । अखिल क्रान्तिकारी र नेपाल विद्यार्थी संघविच विवाद भएको हो । मंगलबार बिहान १० बजेदेखि दिउँसो १ बजेसम्मका लागि उम्मेदवारी दर्ता कार्यतालिका थियो । निर्धारित समयमै अखिल क्रान्तिकारी उम्मेदवारी दर्ताका लागि निर्वाचन समितिमा पुग्दा नेवि संघले स्वतन्त्र विद्यार्थीले लगाएको ताला वार्ता बिनानै तोडिएको भन्दै वार्ताको माग अघि सारेको थियो । नेवि संघ नरेश पण्डित समुहले असहमतीका विच उम्मेदवारी दर्ता गर्न नहुने भन्दै अडान राखेको र अखिल क्रान्तिकारीले निर्वाचन समितिले तोके अनुरुप उम्मेदवारी दर्ताकोे माग अघि सारेका थिए । अखिल क्रान्तिकारीले उम्मेदवारी टुङगो लगाएर उम्मेदवारी दर्ताका लागि निर्वाचन समितिमा पुग्दा नेवि संघले विवाद झिकेपछि असहज अवस्था सृजना भएको ...

महेन्द्रनगर–कञ्चनपुर जिल्लामा लागु औषधसम्बन्धी मुद्धा घटेका छन् । सोमबार जिल्ला प्रहरी कार्यालय कञ्चनपुरले सार्वजनिक गरेको एक प्रतिवेदनमा लागु औषधका मुद्धा घटेको देखाएको हो । जिल्ला प्रहरी कार्यालयमा गत आर्थिक बर्षमा लागु औषधसम्धी दुई सय ६५ जना विरुद्ध एक सय ७७ वटा मुद्धा दर्ता भएको जिल्ला प्रहरी कार्यालय कञ्चनपुर प्रमुख एव एसपि खड्क बहादुर खत्रीले जानकारी दिए । २०८०/८१मा २ सय ८७ जनाविरुद्ध १ सय ८१ मुद्धा लागुऔषधका दर्ता भएका थिए । भने २०७९/०८० मा २ सय ९३ जना विरुद्ध १ सय ५ मुद्धा लागुऔषधसम्बन्धीका रहेका थिए । २०८०/८१ मा भन्दा २०८१/०८२ मा लागुऔषधका ४ मुद्धा र १६ जना कम पक्राउ परेका छन् । लागुऔषधविरुद्धको मुद्धा र पक्राउ गरीएका मानिसको तथ्यांकको हिसावमा घटेको भएता पनि जिल्लामा लागुऔषध नियन्त्रण र न्यूनिकरणका लागि सबै क्षेत्रको सहयोगको आवश्यकता रहेको एसपि खत्रीले बताए । तिन बर्षको अवधिमा ८ स...

महेन्द्रनगर–राष्ट्रिय स्वतन्त्र पार्टी भीमदत्त नगरपालिका समितिका सचिव रामदत्त भट्ट आत्महत्या दुरुत्साहन मुद्दामा पक्राउ परेका छन् । जिल्ला प्रहरी कार्यालय कञ्चनपुरले भट्टलाई पक्राउ गरी अनुसन्धान अघि बढाएको छ । भट्टसंगै उनकी धर्मपत्नि पनि पक्राउ परेकी छन् । जिल्ला प्रहरी कार्यालय कञ्चनपुरका प्रवक्ता प्रहरी नायब उपरीक्षक सागर बोहराले आत्महत्या दुरुत्सानमा आएको जाहेरीका आधारमा भट्ट र उनकी पत्नि दुबैलाई नियन्त्रणमा लिएर अनुसन्धान थालिएको बताए । ‘उहाँ विरुद्ध जाहेरी आएपछि नियन्त्रणमा लिएका छौ, अदालती प्रक्रियामा गई सकेको छ’ उनले भने, ‘थप अनुसन्धान गर्न आवश्यक रहेकाले जिल्ला अदालतबाट ६ दिनको म्याद थप गरिएको छ ।’ भीमदत्त नगरपालिका ७ की एक महिलाले आत्महत्या गरेपछि भट्ट दम्पत्ति विरुद्ध आत्महत्या दुरुत्साहन मुद्दामा जाहेरी परेको हो । भट्ट २०८१ को उप निर्वाचनमा रास्वपाबाट भीमदत्त नगरपालिका ६ नम्...

कृष्ण दत्त पन्त, महेन्द्रनगर–कञ्चनपुर जिल्लाको कृष्णपुर नगरपालिका वडा नं. ३ स्थीत श्री समावेशी कटान सामुदायिक वनमा विभिन्न प्रजातीका ३ हजार बोटविरुवा बृक्षारोपण गरीएका छन् । समाबेशी कटान सामुदायिक बनमा बिहिबार एक हजार पाँस सय र शुक्रबार पनि एक हजार पाँच सय गरी विभिन्न प्रजातीका तिन हजार विरुवा रोपिएको सामुदायिक बनका अध्यक्ष खेमराज ओझाले बताए । वन समन्वय समिति कञ्चनपुरको ‘निजि बन प्रबद्धन तथा बृक्षारोपण सप्ताह’ कार्यक्रम अन्तरगत सामुदायिक बनमा ४ हजार पाँच सय विरुवा रोप्ने लक्ष्य लिईएकोमा शुक्रबारसम्म तिन हजार विरुवा रोपिएको अध्यक्ष ओझाले बताएका हुन् । वनमा रक्तचन्दन, कागती, बकाईनो, श्रीखण्ड, सिसम, विजयसाल र लिप्टीसका बोटविरुवा रोपिएको अध्यक्ष ओझाले बताए । बनमा घाईते बन्यजन्तु उपचार केन्द्रको स्थापना गरीने अध्यक्ष ओझाले जानकारी दिए । उनका अनुसार उपचार केन्द्रमा आरक्षबाट डाक्टर आउने र ...

महेन्द्रनगर–कञ्चनपुर जिल्लामा सुनचाँदी पसल संञ्चालन गरे ५ देखि २५ हजारसम्म जरिवाना तिर्नुपर्ने भएको छ । सरकारले यो आर्थिक बर्षका लागि ल्याएको बजेट कार्यन्वयनमा आएसंगै कञ्चनपुरका सुनचाँदी व्यवसायी आन्दोलित भएका छन् । कञ्चनपुर सुनचाँदी व्यवसायी संघले एक प्रेस नोट जारी गरी पाँच दिनका लागि सुनचाँदी पसल बन्द गरी फेरी आन्दोलनमा उत्रेको जनाएको हो । आन्दोलनको क्रममा जोकसै सुनचाँदी व्यवसायीले पसल सञ्चालन गरेमा ५ देखि २५ हजारसम्म जरिवाना तिर्नुपर्ने कञ्चनपुर सुनचाँदी व्यवसायी संघले जनाएको छ । सरकारले ल्याएको बजेटले सुनको कारोबारमा २ प्रतिशत विलासिता कर र हीराजडित गहनामा १३ प्रतिशत भ्याटको व्यवस्था गरेको थियो । कर र भ्याटले उपभोक्ता र व्यवसायी दुवैलाई असर पर्ने भन्दै फिर्ताको माग गर्दै व्यवसायीहरू एक महिनादेखि आन्दोलनमा उत्रिएका थिए । उनीहरुले असार १३ गतेदेखि पसल बन्द गरेकाले सुनचाँदीको भाउ समेत तोकि...

महेन्द्रनगर–सुदुरपश्चिम प्रदेशका सरोकारवालाले छाउपडी प्रथा अन्त्यका लागि छाउपढी गोठ भत्काउन जोड  दिएका छन् । बुधबार कृष्णपुर नगरपालिकामा सुदुरपश्चिम प्रदेश सभा समाजिक विकास समितिले आयोजना गरेको अन्तरकृया कार्यक्रममा सरोकारवाला जनप्रतिनिधी एव सरकारी कर्मचारीले प्रथा अन्त्य गर्न छाउपढी गोठ भत्काउन एक मत देखिएका हुन् । कृष्णपुर नगरपालिकाका मेयर हेमराज ओझाले छाउबार्नका लागि गोठमा बसेकी निगालीकी २८ बर्षिया कमला आउजीदमाईको निधनसंगै सबै वडाहरुमा रहेका छाउगोठ भत्काउनुका साथै सचेतना कार्यक्रम संचालन गरिने बताए । ‘पहाडबाट बसाई सरी आएका अधिकांस परिवारहरुमा छाउपढीको समस्या देखिएको छ, अछाम समुदायमा अझ बढि समस्या रहेकोछ, छाउपढी गोढ छिटो भत्काईएन भने अझ थप जोखिम हुन्छ भन्ने हो, जनचेतनामुलक कार्यक्रम गर्दैगरौला, सर्पले टोक्ने कुरामा मात्रै समस्या छैन, समाजमा अन्य विभिन्न बिकृति छ,’ उनले भने, ‘छाउगोठमा सु...

महेन्द्रनगर–नेकपा एमाले सम्बद्ध अखिल नेपाल महिला(अनेम) संघले छाउपढी गोठ भत्काउनु पर्ने माग गर्दै जिल्ला प्रशासन कार्यालय कञ्चनपुरलाई ज्ञापन पत्र बुझाएको छ । बुधबार अनेम संघ कञ्चपनुरका जिल्ला अध्यक्ष चिनी गिरीको नेतृत्वमा संघले प्रमुख जिल्ला अधिकारी लक्ष्मण ढकाललाई छाउपढी गोठ भत्काउन माग गर्दै ज्ञापन पत्र बुझाएको हो । कृष्णपुर नगरपालिका १ निगालीका २८ वर्षीय कमला आउजी दमाइको शनिबार छाउगोठमा सर्पले टोकेर मृत्यु भएको थियो । त्यसपछि छाउपढी गोठको बारेमा राष्ट्रिय अन्तराष्ट्रिय स्तरमै आवाज उठिरहको छ । संघले मंगलबार प्रेस विज्ञप्ति जारी गदैँ छाउगोठ भत्काउने अभियानमा सक्रिय हुन सबै नेता कार्यकर्तालाई अपील समेत गरीसकेको छ । अनेम संघ कञ्चनपुरकी अध्यक्ष चिनि गिरीले महिलालाई दोस्रो दर्जाको नागरीक बनाउने छाउपडी प्रथाको अन्त गर्न प्रमुख जिल्ला अधिकारीलाई ज्ञापन पत्र बझाएको बताईन् । ‘छाउपडी प्रथा नारीला...

महेन्द्रनगर – महिलामाथि हुने सबै किसिमको विभेद र हिंसाको अन्त्यका लागि निरन्तर संघर्षरत अखिल नेपाल महिला(अनेम) संघ जिल्ला कमिटी, कञ्चनपुरले छाउगोठ उन्मूलन अभियानमा सक्रिय हुन् संगठनमा आवद्ध नेता कार्यकर्तालाई आग्रह गरेको छ । मंगलबार प्रेस विज्ञप्ती जारी गदैँ अनेम संघ कञ्चनपुरले महिलामैत्री वातावरण निर्माणमा योगदान पुयाउन राज्यका सबै निकाय, सरोकारवाला संस्था र नागरिक समाजलाई आग्रहसहित अखिल नेपाल महिला संघसँग आबद्ध जिल्ला भरिका सबै महिला दिदिबहिनीहरुलाई आ–आफ्नो स्थानीय पालिकामा छाउगोठ भत्काउने अभियानमा सक्रिय हुन निर्देशन दिएको हो । शनिबार कृष्णपुर नगरपालिका वडा नम्बर १ निगालीका २८ वर्षीय कमला आउजी दमाइको छाउगोठमा सुतिरहेका बेला सर्पदंशबाट ज्यान गएको थियो । महिलाको मौलिक अधिकार सुनिश्चित गर्न र समानतामूलक समाज निर्माण गर्न छाउगोठ जस्ता कुरीति अन्त्य गर्नु अत्यावश्यक भएको उल्लेख गरीएको अनेम ...

काठमाडौं – संघीय मामिला तथा सामान्य प्रशासनमन्त्रीमा भगवती न्यौपाने नियुक्त भएकी छन् । घुस ‘डिल’ को अडिओ काण्डमा मुछिएका यसअघिका मन्त्री राजकुमार गुप्ताको राजीनामा स्वीकृतसँगै राष्ट्रियसभामा एमाले प्रमुख सचेतक रहेकी न्यौपानेलाई नियुक्त गरिएको हो । प्रधानमन्त्रीको सिफारिसमा न्यौपानेलाई नियुक्त गरिएको राष्ट्रपतिको कार्यालयले विज्ञप्ति निकालेर जनाएको छ । उनी अनेरास्ववियुको विद्यार्थी राजनीतिबाट उदायकी हुन् । अनेम संघ तनहुँको सचिव हुँदै दुई कार्यकाल अध्यक्ष बनिन् । तनहुँ एमालेको जिल्ला सचिव निर्वाह गरेकी न्यौपाने राष्ट्रियसभा, विधायन व्यवस्थापन समितिको सदस्यसमेत हुन् । न्यौपाने २०७४ सालको स्थानीय तह चुनावमा तनहुँको भानु नगरपालिकाको मेयरमा पराजित भएकी थिइन् ।...