नयाँ खबर
महेन्द्रनगर–राष्ट्रिय स्वतन्त्र पार्टी भीमदत्त नगरपालिका समितिका सचिव रामदत्त भट्ट आत्महत्या दुरुत्साहन मुद्दामा पक्राउ परेका छन् । जिल्ला प्रहरी कार्यालय कञ्चनपुरले भट्टलाई पक्राउ गरी अनुसन्धान अघि बढाएको छ । भट्टसंगै उनकी धर्मपत्नि पनि पक्राउ परेकी छन् । जिल्ला प्रहरी कार्यालय कञ्चनपुरका प्रवक्ता प्रहरी नायब उपरीक्षक सागर बोहराले आत्महत्या दुरुत्सानमा आएको जाहेरीका आधारमा भट्ट र उनकी पत्नि दुबैलाई नियन्त्रणमा लिएर अनुसन्धान थालिएको बताए ।
‘उहाँ विरुद्ध जाहेरी आएपछि नियन्त्रणमा लिएका छौ, अदालती प्रक्रियामा गई सकेको छ’ उनले भने, ‘थप अनुसन्धान गर्न आवश्यक रहेकाले जिल्ला अदालतबाट ६ दिनको म्याद थप गरिएको छ ।’
भीमदत्त नगरपालिका ७ की एक महिलाले आत्महत्या गरेपछि भट्ट दम्पत्ति विरुद्ध आत्महत्या दुरुत्साहन मुद्दामा जाहेरी परेको हो । भट्ट २०८१ को उप निर्वाचनमा रास्वपाबाट भीमदत्त नगरपालिका ६ नम्बर वडाको उप निर्वाचन लडेका थिए ।
परशुराम मिडिया प्रालि.द्धारा सञ्चालित नयाँ खवर डटकमले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषण समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेषण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।
