Breaking News 1

कञ्चनपुर । नेपाली कांग्रेसका नेता रमेश लेखकले पार्टीको महाधिवेशनको प्रक्रिया तत्काल नरोके कांग्रेस विभाजन हुनबाट कसैले रोक्न नसक्ने बताएका छन् । कञ्चनपुरको दोधारा–चाँदनी क्षेत्रमा कार्यकर्तासँगको भेटघाटका क्रममा नेता लेखकले पार्टी एकता जोगाउन आफूहरू अझै पनि अधिकतम लचकताका साथ अघि बढिरहेको बताए । उनले विशेष महाधिवेशनमार्फत १४औँ महाधिवेशनको कार्यसमितिलाई हटाइएकाले अहिलेको समस्या सिर्जना भएको दाबी गरे । विशेष महाधिवेशन र १४औँ महाधिवेशनबाट बनेको कार्यसमितिलाई एक ठाउँमा राखेर विवाद समाधान गर्नुपर्ने उनको भनाइ छ । लेखकले पार्टी सभापति गगन थापालाई हटाउने आफूहरूको माग नरहेको स्पष्ट पार्दै १४ औँ महाधिवेशनमा रहेका तर विशेष महाधिवेशनमा नसमेटिएका नेताहरूलाई केन्द्रीय कार्यसमितिमा समेट्नुपर्ने प्रस्ताव आफूहरूले अघि सारेको बताए । त्यसरी सदस्य थप्दा सभापति थापा अल्पमतमा पर्ने चिन्ता भए आफ्नो पक्षबाट आवश...

काठमाडौं - बागमती प्रदेशका मुख्यमन्त्री किरण थापा मगरले रसुवामा बाढी-पहिरोका कारण आमाबाबु गुमाएका बालबालिकाको शिक्षा, सपना र भविष्यको जिम्मेवारी प्रदेश सरकारले लिने बताउनुभएको छ। रसुवामा बाढी-पहिरोबाट भएको जनधनको क्षतिप्रति दुःख व्यक्त गर्दै मुख्यमन्त्री थापा मगरले विपद्बाट प्रभावित परिवारलाई बागमती प्रदेश सरकारले सरकारको रूपमा मात्र नभई परिवारकै रूपमा साथ दिने प्रतिबद्धता जनाउनुभएको हो। मुख्यमन्त्री थापा मगरले आमाबाबु गुमाएका बालबालिकाको भविष्य अन्धकार हुन नदिने बताउँदै उहाँहरूको शिक्षा तथा भविष्य सुनिश्चित गर्न प्रदेश सरकार प्रतिबद्ध रहेको उल्लेख गर्नुभएको छ। उहाँले भन्नुभएको छ, ‘बाढी-पहिरोमा आमाबाबु गुमाएका बालबालिकाको भविष्य अन्धकार हुन दिँदैनौँ। उहाँहरूको शिक्षा, सपना र भविष्यको जिम्मेवारी बागमती प्रदेश सरकारले लिनेछ।’ मुख्यमन्त्री थापा मगरले विपद्को पीडामा रहेका रसुवावासीलाई...

धनगढी - नेकपा (एमाले) सुदूरपश्चिम प्रदेश संसदीय दलले भोटेकोशी र त्रिशूली नदी क्षेत्रमा आएको बाढीबाट प्रभावित तथा पीडितलाई सहयोग गर्ने निर्णय गरेको छ। एमाले संसदीय दलका नेता राजेन्द्र सिंह रावलको अध्यक्षतामा तथा पार्टीका उपमहासचिव लेखराज भट्टको विशेष उपस्थितिमा बुधबार बसेको दलको बैठकले बाढीमा ज्यान गुमाएकाहरूप्रति श्रद्धाञ्जली व्यक्त गर्दै शोकसन्तप्त परिवारजनप्रति समवेदना प्रकट गरेको हो। बैठकले पार्टीको केन्द्रीय सर्कुलरअनुसार सुदूरपश्चिम प्रदेशसभाका प्रत्येक एमाले सांसदले आफ्नो मासिक तलबबाट सात दिन बराबरको १३ हजार १८३ रुपैयाँ कट्टा हुने गरी पार्टीको विपद् राहत कोषमा जम्मा गर्ने सर्वसम्मत निर्णय गरेको छ। साथै, बाढीपीडितलाई सहयोग गर्न सबैमा आह्वान गर्ने निर्णयसमेत गरिएको छ। त्यसैगरी, प्रदेश कमिटीले मन्त्री, राज्यमन्त्री तथा प्रदेशसभा सदस्यका सचिवालयमा कर्मचारी तथा सहयोगी नियुक्त गर्...

महेन्द्रनगर- महाकाली साहित्य संगम, केन्द्रीय समिति कञ्चनपुरले यस वर्ष आयोजना गर्ने भनिएको ‘गौरा सभ्यता महोत्सव–२०८३’ स्थगित गरेको छ। संगमले भदौ १६ देखि २६ गतेसम्म कञ्चनपुर सदरमुकाम महेन्द्रनगरमा महोत्सव आयोजना गर्ने तयारी गरेको थियो। तर भदौ १० गते भोटेकोशी नदी क्षेत्रमा आएको आकस्मिक प्राकृतिक विपद्का कारण विभिन्न जिल्लामा ठूलो जनधनको क्षति हुनुका साथै नागरिकहरू पीडित बनेको भन्दै महोत्सव नगर्ने निर्णय गरेको हो। महाकाली साहित्य संगमका अध्यक्ष राजेन्द्र सिंह रावलद्वारा जारी प्रेस विज्ञप्तिमा प्राकृतिक विपद्मा परी ज्यान गुमाएका नागरिकप्रति भावपूर्ण श्रद्धाञ्जली अर्पण गर्दै शोकसन्तप्त परिवारजनप्रति गहिरो समवेदना व्यक्त गरिएको छ। साथै बेपत्ता नागरिकको शीघ्र खोजी, उद्धार तथा सकुशल पुनर्मिलनको कामना गरिएको छ। संगमको २०८३ भदौ १४ गते बसेको बैठकले राष्ट्रिय विपद् र नागरिकको पीडाको संवेदनशील अवस्था...

महेन्द्रनगर- सुदूरपश्चिम प्रदेशका पूर्वमुख्यमन्त्री तथा नेकपा (एमाले) संसदीय दलका नेता राजेन्द्र सिंह रावलले बिहीबार भीमदत्त नगरपालिका–१, भासीस्थित जेसिज माध्यमिक विद्यालयमा स्थापना गरिएको सूचना तथा सञ्चार प्रविधि (आइसिटी) प्रयोगशालाको उद्घाटन गर्नुभएको छ। सुदूरपश्चिम प्रदेश सरकार, सामाजिक विकास मन्त्रालयको आ.व. २०८२/८३ को वार्षिक बजेटअन्तर्गत विनियोजित १० लाख रुपैयाँको लागतमा विद्यालयमा आइसिटी स्थापना गरिएको हो। विद्यालयका प्रधानाध्यापक लक्ष्मण गिरीका अनुसार पूर्वमुख्यमन्त्री रावलको पहलमा उक्त बजेट विनियोजन भएको हो। आइसिटी प्रयोगशाला स्थापनापछि विद्यार्थीको सिकाइलाई प्रविधिमैत्री बनाउन तथा डिजिटल माध्यमबाट अध्ययन–अध्यापन गर्न सहज हुने उहाँले बताउनुभयो। प्रयोगशालामा कम्प्युटर, ल्यापटप, स्मार्ट बोर्डलगायतका डिजिटल सामग्री राखिएका छन्। उद्घाटन समारोहको सञ्चालन शिक्षक खेमलाल घिमिरेले...

नरेश बोहरा, बैतडी — बैतडीको सुर्नया गाउँपालिका–८ ढोले (रातापानी) मा पहिरोले बस्ती जोखिममा परेको छ । वर्षौंदेखि निरन्तर बगिरहेको पहिरो वर्षादमा बढ्न थालेपछि बस्ती, खेतीयोग्य जमिन, सडक तथा खानेपानीका संरचना जोखिममा परेका छन्। स्थानीय नरेश बोहराका अनुसार २०७८ साल कात्तिकदेखि वर्षायाममा निरन्तर बग्दै आएको पहिरो यस वर्ष साउन २६ गते साँझ करिब ७ बजेदेखि थप सक्रिय भएको हो। पहिरो गाउँको मध्यभागबाट खस्न थालेपछि स्थानीयवासीको घर तथा खेतीयोग्य जमिन जोखिममा परेको छ। पहिरोका कारण उद्धव बोहराको घर विस्थापित भइसकेको उनले बताए । त्यसैगरी रामसिंह बोहरा, मीना बोहरा, धन्वा बोहरा, गम्भीरसिंह बोहरा, कृष्ण बोहरा र चक्र बोहराको घरसमेत पहिरोको जोखिममा परेको छ। पहिरोले स्थानीयको करिब ५०–६० रोपनी खेतीयोग्य जमिनमा क्षति पुर्‍याएको छ। कैलास बोहरा, नरबहादुर बोहरा, भनुवा बोहरा, सलेन्द्र बोहरा, जयसिंह बोहर...

काठमाडौं ,जनआस्था साप्ताहिकका सम्पादक तथा आस्था मिडियाका अध्यक्ष किशोर श्रेष्ठलाई समाचार प्रकाशनको विषयलाई लिएर प्रहरीले पक्राउ गरेपछि पत्रकारिता क्षेत्र आन्दोलित भएको छ। ललितपुरको नख्खुस्थित आफ्नै निवासबाट बुधबार साँझ पक्राउ परेका श्रेष्ठलाई काठमाडौं प्रहरी परिसरको हिरासतमा राखिएको छ। जनआस्था साप्ताहिकमा प्रकाशित समाचारलाई लिएर उनलाई पक्राउ गरिएको हो। श्रेष्ठको पक्राउको विरोधमा पत्रकार महासंघकी अध्यक्ष निर्मला शर्मा, प्रेस चौतारी नेपालका अध्यक्ष गणेश पाण्डेलगायत पत्रकार तथा सञ्चारकर्मीहरू काठमाडौं प्रहरी परिसर पुगेका थिए। उनीहरूले परिसर अगाडि नाराबाजी गर्दै श्रेष्ठको तत्काल रिहाइको माग गरे। पत्रकारहरूले समाचार प्रकाशनको विषयलाई लिएर सम्पादकलाई पक्राउ गर्नु प्रेस स्वतन्त्रतामाथिको हस्तक्षेप भएको बताएका छन्। उनीहरूले समाचारमा चित्त नबुझे कानुनी तथा प्रेससम्बन्धी स्थापित प्रक्रियाबा...

महेन्द्रनगर - कञ्चनपुर प्रहरीले कटुवा पेस्तोलसहित चार जनालाई पक्राउ गरेको छ। जिल्ला प्रहरी कार्यालय कञ्चनपुर र मातहतको वडा प्रहरी कार्यालय महेन्द्रनगरबाट खटिएको प्रहरी टोलीले शंकास्पद गतिविधिका आधारमा उनीहरूलाई पक्राउ गरेको हो। प्रहरीका अनुसार २०८३ साल वैशाख २५ गते दिउँसो करिब ४ बजे भीमदत्त नगरपालिका–१८, सालघारीस्थित क्षेत्रमा चेकजाँच तथा सोधपुछ गर्ने क्रममा उनीहरू शंकाको घेरामा परेका थिए। पक्राउ पर्नेमा कैलालीको गोदावरी नगरपालिका–१ का २० वर्षीय पारस रोकाया, कञ्चनपुर बेलडाँडी गाउँपालिका–३ का १८ वर्षीय विपिन सिंह, २० वर्षीय नितेश सिंह र कृष्णपुर नगरपालिका–६ का २० वर्षीय राजेन्द्र सिंह गोयला रहेका छन्। प्रहरीले उनीहरूलाई नियन्त्रणमा लिएर सोधपुछ तथा चेकजाँच गर्दा मोबाइलमा कटुवा पेस्तोलसहितका फोटो तथा भिडियो समेत फेला पारेपछि थप अनुसन्धान अघि बढाएको जनाएको छ। अनुसन्धानका क्रममा विपिन सिंह ब...

कञ्चनपुर – कञ्चनपुर प्रहरीले विभिन्न मुद्दामा फरार रहेका दुई जना प्रतिवादीलाई पक्राउ गरेको छ। जिल्ला प्रहरी कार्यालय कञ्चनपुरबाट खटिएको प्रहरी टोलीले फरार प्रतिवादीहरूलाई पक्राउ गरी सम्बन्धित अदालतमा पेश गरेको हो। प्रहरीका अनुसार पक्राउ परेका शिखर राज सोती सहकारी रकम हिनामिना (सहकारी ठगी) मुद्दामा दोषी ठहर भएका व्यक्ति हुन्। अदालतको फैसलाअनुसार उनी २ वर्ष कैद र रु. ८ लाख ६७ हजार ७५८ जरिवाना सजायका फरार प्रतिवादी थिए। पक्राउपछि उनलाई कैद तथा जरिवाना भुक्तानका लागि जेल चलान गरिएको प्रहरीले जनाएको छ। यस्तै, गणेश बुडाल लाई जुवा मुद्दामा फरार रहेको अवस्थामा पक्राउ गरिएको छ। उनीबाट अदालतले तोकेको रु. ७ हजार ५०० जरिवाना असुल गराउने प्रक्रिया अघि बढाइएको प्रहरीले जनाएको छ। जिल्ला प्रहरी कार्यालय कञ्चनपुरका सूचना अधिकारी एवं प्रहरी नायब उपरीक्षक टेकबहादुर रावत ले फरार प्रतिवादीहरूको खोजी तथा पक्...

रनि विवश-  शुक्रबार साझ ६ बजे । देहीमाण्डौ बजारको पूर्वी कुना शान्त थियो । महेन्द्रनगरबाट आएको यात्रु बाहक बस झ्वाम्म रोकियो । देहीमाण्डौमा यात्रु ओरालेर बस गन्तव्यतिर हुइकियो । स्थानीय घर जाने तरखर गर्दै थिए । ढणौन र सुर्काल हिड्ने तयारीमा थिए दुई जीप । एक छिनपछि ति दुई जीप पनि गन्तव्य हुइकिए । दुबै गाडी भरि यात्रु थिए । यात्रु सीटमा मात्रै थिएन, पछाडि झोला झिम्टा, बोरी बिस्तारा राखिएको थियो । गाडी हिड्ने बेला पछाडी पनि यात्रु कोचिए । तराईतिर ट्रकमा पशु चौपाया कोचेका दृश्य जस्तै थियो । उनीहरु जसरी नि आफ्नो गन्तव्य पुगाउने र भाडा कमाउने गाडी साहुको ध्येय थियो । देहीमण्डौ हुदै ढणौनसम्म यी गाडी चलेको लगभग १२ बर्ष पुग्न थाल्यो । संघीय शासन व्यवस्था आएपछि गाउ घरका बासिन्दालाई यातायात सेवा दिन धमाधम कच्ची बाटो खनिए । यो देशभरिकै बाटो खन्ने प्रतिस्पर्धा थियो । यसबाट कुनै ठाउ बिशेश अछुतो र...