कञ्चनपुरमा लागु औषधसम्बन्धी मुद्धा घटे

महेन्द्रनगर–कञ्चनपुर जिल्लामा लागु औषधसम्बन्धी मुद्धा घटेका छन् । सोमबार जिल्ला प्रहरी कार्यालय कञ्चनपुरले सार्वजनिक गरेको एक प्रतिवेदनमा लागु औषधका मुद्धा घटेको देखाएको हो । जिल्ला प्रहरी कार्यालयमा गत आर्थिक बर्षमा लागु औषधसम्धी दुई सय ६५ जना विरुद्ध एक सय ७७ वटा मुद्धा दर्ता भएको जिल्ला प्रहरी कार्यालय कञ्चनपुर प्रमुख एव एसपि खड्क बहादुर खत्रीले जानकारी दिए । २०८०/८१मा २ सय ८७ जनाविरुद्ध १ सय ८१ मुद्धा लागुऔषधका दर्ता भएका थिए । भने २०७९/०८० मा २ सय ९३ जना विरुद्ध १ सय ५ मुद्धा लागुऔषधसम्बन्धीका रहेका थिए । २०८०/८१ मा भन्दा २०८१/०८२ मा लागुऔषधका ४ मुद्धा र १६ जना कम पक्राउ परेका छन् । लागुऔषधविरुद्धको मुद्धा र पक्राउ गरीएका मानिसको तथ्यांकको हिसावमा घटेको भएता पनि जिल्लामा लागुऔषध नियन्त्रण र न्यूनिकरणका लागि सबै क्षेत्रको सहयोगको आवश्यकता रहेको एसपि खत्रीले बताए । तिन बर्षको अवधिमा ८ सय ४५ जना पक्राउ परेका छन् ।

त्यसैगरी आर्थिक बर्ष २०८१/०८२ मा खैरो हिरोईन ७१८ दशमलव ४४९ ग्रीाम, चरेश २६ दशमलव ८८९ किलो, चरेश एक दशमलब ४२ केजि, एम्पुल ४८८ पिस र टयाब १२२ पिस बरामद गरी नष्ट गरीएको कार्यालय प्रमुख एवं एसपी खत्रीले बताए । उनका अनुसार आर्थिक बर्ष २०८०/०८१ मा खैरो हिरोईन ३२९ दशमलव ०२ ग्रीाम, चरेश ६ दशमलव १० किलो, गाजा ७७ दशमलब २१ केजि, एम्पुल ५२० पिस बरामद गरीएको थियो भने आर्थिक बर्ष २०७९/०८० मा खैरो हिरोईन ६२४ दशमलव ०१ ग्रीाम, चरेश २८ दशमलव २३ किलो, एम्पुल ९५० पिस र टयाब ४६ पिस बरामद गरी नष्ट गरीएको थियो । तीन बर्षको अवधिमा क्रमस खैरो हिरोईन १ हजार ६७१ दशमलव ७७ ग्राम, चरेश १ सय १५ दशमलव २१९ किलो, गाजा ७८ दशमलव ६३ केजी, एम्पुल १हजार ९५८पिस र ट्याप १६८पिस प्रहरीले बरामद गरेको छ ।
लागु औषध बिरुद्ध हात धोएर लागेका एसपि खत्रीले मुद्दा चलाउने देखि लिएर जनचेतना अभिबृद्धिका कार्यक्रम सञ्चालन गरीएको बताए । लागु औषध दुर्ब्यसनी रोकथाम तथा नियन्त्रण सम्बन्धि जनचेतनामुलक कार्यक्रम २ सय ६९ गरीएको एसपि खत्रीले जानकारी दिए । जिल्लाभरीमा विभिन्न २७ वटा विधामा ८ सय ५२ वटा जनचेतनामुलक कार्यक्रम गरेको जिल्ला प्रहरी कार्यालय कञ्चनपुरले दावि गरेको छ ।