नयाँ खबर
महेन्द्रनगर – कञ्चनपुर प्रहरीले कटुवा पेस्तोलसहित चार जनालाई पक्राउ गरेको छ। जिल्ला प्रहरी कार्यालय कञ्चनपुर र मातहतको वडा प्रहरी कार्यालय महेन्द्रनगरबाट खटिएको प्रहरी टोलीले शंकास्पद गतिविधिका आधारमा उनीहरूलाई पक्राउ गरेको हो।
प्रहरीका अनुसार २०८३ साल वैशाख २५ गते दिउँसो करिब ४ बजे भीमदत्त नगरपालिका–१८, सालघारीस्थित क्षेत्रमा चेकजाँच तथा सोधपुछ गर्ने क्रममा उनीहरू शंकाको घेरामा परेका थिए। पक्राउ पर्नेमा कैलालीको गोदावरी नगरपालिका–१ का २० वर्षीय पारस रोकाया, कञ्चनपुर बेलडाँडी गाउँपालिका–३ का १८ वर्षीय विपिन सिंह, २० वर्षीय नितेश सिंह र कृष्णपुर नगरपालिका–६ का २० वर्षीय राजेन्द्र सिंह गोयला रहेका छन्।
प्रहरीले उनीहरूलाई नियन्त्रणमा लिएर सोधपुछ तथा चेकजाँच गर्दा मोबाइलमा कटुवा पेस्तोलसहितका फोटो तथा भिडियो समेत फेला पारेपछि थप अनुसन्धान अघि बढाएको जनाएको छ।
अनुसन्धानका क्रममा विपिन सिंह बस्दै आएको भीमदत्त नगरपालिका–१८, मामाभान्जा चोकस्थित डेरामा प्रहरीले कानुनी प्रक्रिया पूरा गरी खानतलासी गरेको थियो। सो क्रममा उनीहरूले लुकाइछिपाइ राखेको कटुवा पेस्तोल बरामद भएको जिल्ला प्रहरी कार्यालय कञ्चनपुरले जनाएको छ।
पक्राउ परेका चारै जनालाई नियन्त्रणमा लिएर घटनाबारे थप अनुसन्धान भइरहेको प्रहरीले जनाएको छ। साथै उनीहरूमाथि प्रचलित कानुनबमोजिम आवश्यक कारबाही प्रक्रिया अघि बढाइएको जिल्ला प्रहरी कार्यालयका सूचना अधिकारी एबं डिएसपी टेक बहादुर रावत ले बताए ।
परशुराम मिडिया प्रालि.द्धारा सञ्चालित नयाँ खवर डटकमले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषण समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेषण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।
