बेदकोट वडा नंम्बर ९ का वडा अध्यक्ष विष्टको निधन
महेन्द्रनगर–कञ्चनपुर जिल्लाको बेदकोट नगरपालिका वडा नंम्बर ९ का वडा अध्यक्ष जनक विष्टको निधन भएको छ । बेदकोट नगरपालिकाको वडा नं. ३ मा पर्ने बेदकोट ताल क्षेत्रमा दिउसो अचेत अवस्थामा भेटिएका वडा अध्यक्ष विष्टको महाकाली प्रादेशिक अस्पताल महेन्द्रनगरमा उपचारको क्रममा मृत्यू भएको हो । उपचारका लागि महाकाली प्रादेशिक अस्पलालमा भर्ना गरिएका उनलाई साँझ चिकित्सले मृत घोषणा गरेका थिए ।
वडाध्यक्ष विष्टको मृत्युबारे प्रहरीले अनुसन्धान सुरु गरेको जनाएको छ। कञ्चनपुरका प्रहरी प्रमुख एसपी चक्रराज जोशीले वडाध्यक्षको निधनको कारणबारे अनुसन्धान भइरहेको जानकारी नयाँखवर डटकमलाई दिनुभयो । निधनको एक दिनअघि मात्रै वडाध्यक्ष विष्टले समाजिक सञ्जालमा हाँसोभित्रको पीडा भन्दै फेसबुक स्टाटस राखेका थिए। बिहान वडामा सामाजिक सुरक्षा–भत्ता वितरण गरेपछि उनी कामका लागि भन्दै मोटरसाइकलमा निस्किएका थिए । उनले वडासदस्य पार्वती ...
