राजनीति

महेन्द्रनगर–उदयदेब बहुउद्देश्यीय सहकारी संस्था लि ले प्रदान गर्दै आएको सहकारी पत्रकारिता पुरस्कार यस बर्ष पत्रकार मोहन बिष्टले पाएका छन् । कञ्चनपुर जिल्लाकै सबै भन्दा ठूलो सहकारी उदयदेव बहुउद्देश्यीय सहकारीले आफ्नो २७ औ बार्षिक साधारण सभाको अवसरमा पत्रकार बिष्टलाई उक्त पुरस्कार प्रदान गरेको हो । मंगलबार सहकारीले सभामा प्रमुख अतिथि सहकारीका निवर्तमान अध्यक्ष बरिष्ठ अधिवक्ता पूर्ण बहादुर चन्द र सहकारिका अध्यक्ष नारा जोशीले बिस्टलाई दोसल्ला ओढाएर प्रमाण पत्र र नगद रु ११ हजार पुरस्कार प्रदान गरे । पत्रकार बिष्ट जन क्रान्ति दैनिक र नया पत्रीका दैनिक पत्रिकामा जिल्ला रिपोर्टरका रुपमा कार्यरत छ्न । बेल्डाडी गाउपालिका १ का बिष्ट नेपाल पत्रकार महासंघ कन्चनपुरका कोषाध्यक्ष पनि हुन । उनले २०६८ देखि पत्रकारिता सुरु गरेका हुन । सहकारीले विगत तीन बर्ष देखि पत्रकारिता पुरस्कार दिन थालेको हो । अघ...

महेन्द्रनगर ः एमाले नेता कार्यकर्ताले जेन जी आन्दोलनका क्रममा आगजनी र तोडफोडबाट क्षतिग्रस्त पार्टी कार्यालयमा सरसरफाई सुरु गरेका छन् । भदौ २४ गते आन्दोलनका क्रममा एमाले पार्टी कार्यालयमा आगजनी र तोडफोड गरिएको थियो । तोडफोड र आगजनीबाट दुई तले पार्टी कार्यालयमा व्यापक क्षति भएको छ । एमाले कञ्चनपुरका जिल्ला कमिटी सदस्य कमल रोकायाले आन्दोलनबाट क्षतिग्रस्त पार्टी कार्यालयमा सरसफाई र मर्मत थालिएको जानकारी दिए । ‘हामीले आजबाट हाम्रो पार्टी कार्यालय सरसफाई तथा मर्मत कार्य सुरुवात गरेका छौ’ नेता रोकायाले भने । एमालेको जिल्ला कमिटी सहित भीमदत्त नगर कमिटी र विभिन्न जन संगठनका नेता कार्यकर्ता पार्टी कार्यालय सरसफाईमा लागेका छन् । भीमदत्त नगरपालिका ४ स्थित एमाले पार्टी कार्यालयमा आन्दोलनकारीले पटक पटक आगजनी र तोडफोड गरेका थिए । आन्दोलनकारीले पार्टी कार्यालयभित्रका दराज, टेबुल, कुर्सी, कागजात लगायतका स...

महेन्द्रनगर–कञ्चनपुरका नरेश धानुकले आफूलाई जेनजी भन्दै नाङ्गेै पारेर कुटपिट गरिएको दाबी गर्दै फेसबुकमा लाईभ भीडियो सार्वजनिक गरी आत्महत्या गरेका छन् । आत्महत्या गर्नु अघि सामाजिक सञ्जाल फेसबुकमा उनले केही व्यक्तिको नाम लिँदै त्यस्तो गर्न बाध्य भएको उल्लेख गरेका छन् । ‘मलाई सोसल अत्याचार भयो। म मर्दै छु। सोसल अत्याचारकै कारणले म फाँसी दिन गइरहेको छु,’ उनले अन्तिम सन्देशमा भनेका छन् ‘काँग्रेसको व्यक्तिले मलाई कुटपिट ग¥यो। मलाई नाङ्गेै बनाएर दौडायो गाइज।’ फेसबुक लाइभमै रुँदै उनले सोही कारण आत्महत्या गर्नुपरेको बताएका थिए । मृतकका दिदी हिरा धानुकले पनि शुक्रबार राति साढे १० बजे नरेशलाई ‘जेन–जी’ भन्दै कुटपिट गरिएको बताइन्। ‘सुरुमा दारु पिलाएका रहेछन्। त्यसपछि नाङ्गो बनाएर कुटपिट गरे। त्यसरी अपमानपछि उसलाई घरमा गएर आत्महत्या गर्न बाध्य पारियो,’ उनले भनिन्। उनले शव नउठाउने चेतावनी दिँदै मृतकका स...

महेन्द्रनगर–कञ्चनपुरका राजनीतिक दलहरुले जेनजी आन्दोलपछि उत्पन्न जटिल राजनीतिक परिस्थतिमा मुलुकको सार्थक हितका लागि शान्ति, सुशासन र सुमन्नतीको मार्गमा हिड्न सबैमा आह्वान गरेका छन् । अन्तरिम सरकार गठन भएपछि दलहरुले संयुक्त विज्ञप्ति जारी गरी मुलुकको समुन्नति र सुन्दर भविष्यका लागि लोकतान्त्रिक प्रणालीलाई नयाँ ढंगले सुनिश्चित गर्ने दायित्वमा सबै गम्भीर बन्नु पर्नेमा जोड दिएका हुन् । “यो विषम परिस्थितिमा सम्माननीय राष्ट्रपतिज्यूबाट सुरु गरिएको पहल स्वागत योग्य छ,” दलहरुको विज्ञप्तिमा भनिएको छ, “संवाद र परामर्श मार्फत नै समाधान खोज्नु पर्छ । त्यसका लागि नागरिक समाज, सञ्चार जगत र अन्तर्राष्ट्रिय समुदायको सहयोग अपरिहार्य हुन्छ ।’ दलहरुले भदौ २३ गते भएको जेनजी आन्दोलनका क्रममा ज्यान गुमाएका युवाप्रति श्रद्धाञ्जली अर्पण गर्दै विभिन्न उनीहरुका परिवारलाई समवेदना दिएका छन् । आन्दोलनका क्रममा...

काठमाडौं – पूर्वप्रधानन्यायाधीश सुशीला कार्की अन्तरिम सरकारको प्रधानमन्त्री नियुक्त भएकी छन् । राष्ट्रपति रामचन्द्र पौडेलले शुक्रबार साझ उनलाई प्रधानमन्त्रीमा नियुक्त गरेका हुन् । त्यस्तै, उनको शपथ ग्रहण आजै राति ९ बजे हुने राष्ट्रिपति कार्यालयले जनाएको छ ।

काठमाण्डौ–नेपाली सेनाले सुरक्षाको जिम्मेवारी लिएपछि लुटपाट र आगजनी जस्ता विध्वंसात्मक गतिविधिमा संलग्न २७ जनालाई पक्राउ गरेको छ । मंगलबार रातिदेखि बुधबार बिहानसम्मको कारबाहीमा सेनाले ठूलो परिमाणमा नगद र हतियारसहित मानिसहरुलाई पक्राउ गरेको हो । सेनाले जारी गरेको सुरक्षा अपडेट अनुसार मंगलबार राति १० बजेदेखि बुधबार बिहान १० बजेसम्मको अवधिमा काठमाडौंसहित देशका विभिन्न स्थानमा लुटपाट, आगजनी र जीउधनको क्षति गर्ने मनसायले अराजक गतिविधिमा संलग्न रहेका व्यक्तिहरु पक्राउ गरीएको सेनाले जनाएको छ । कारबाहीका क्रममा काठमाडौंको गौशाला–चाबहिल–बौद्ध क्षेत्रबाट लुटपाटमा संलग्न व्यक्तिहरूको साथबाट ३३ लाख ७० हजार रुपैयाँ नगद बरामद गरिएको छ । यसैगरी, सुरक्षाकर्मीले काठमाडौंका विभिन्न स्थानबाट २३ नाल र पोखराबाट ८ नाल गरी जम्मा ३१ नाल विभिन्न किसिमका हतियार, म्यागजिन र गोलीगठ्ठा बरामद गरेको छ।...

काठमाण्डौ–नेपाली सेनाले बुधबार साँझसम्म देशभर निषेधाज्ञा र त्यसपछि भोलि विहान ६ बजेसम्म कर्फ्यू आदेश जारी गरेको छ । जेनजी आन्दोलनका क्रममा देशका विभिन्न स्थानमा अराजक र हिंसात्मक गतिविधि बढेपछि शान्ति सुरक्षाका लागि उक्त कदम चालिएको सेनाले जनाएको छ । सेनाको जनसम्पर्क तथा सूचना निर्देशनालयले विज्ञप्ति जारी गर्दै भदौ २५ गते साँझ ५ बजेसम्म निषेधाज्ञा र त्यसपछि भदौ २६ गते बिहान ६ बजेसम्म कर्फ्यू लगाईएको जनाएको छ । सेनाले आन्दोलनको नाममा विभिन्न व्यक्ति तथा समूहहरूले व्यक्तिगत र सार्वजनिक सम्पत्तिमा घुसपैठ, तोडफोड, आगजनी, लुटपाट र बलात्कारको प्रयास जस्ता गम्भीर आपराधिक क्रियाकलाप गरिरहेकोले देशको समग्र शान्ति सुरक्षालाई मध्यनजर गर्दै कर्फ्यू लगाईएको स्पष्ट पारेको छ । निषेधाज्ञा र कर्फ्यू अवधिभर एम्बुलेन्स, शववाहन, दमकल, स्वास्थ्यकर्मी तथा सुरक्षाकर्मीका सवारी साधन जस्ता अत्यावश्यक सेवाहरू सञ्...

महेन्द्रनगर–कञ्चनपुर जिल्लामा जेनजी आन्दोलनकारीले ठूला दुई दलका कार्यालय, नेता र जनप्रतिनिधिलाई तार्केट बनाए । काठमाण्डौमा सोमबार भएको जेनजीको आन्दोलनलाई प्रहरी प्रशासनद्धारा दमन गरियो । फलस्वरुप १९ जना कलिला विद्यार्थीहरुको ज्यान जादा मंगलबार आन्दोलनले उग्ररुप लिएको हो । कञ्चनपुर लगायत सत्तारुढ दलका शिर्ष नेता, कार्यकर्ता, पार्टी कार्यालय लगायत आन्दोलनकारीको तार्केटमा रहे । आन्दोलनकारीहरुले कञ्चनपुर निर्वाचन क्षेत्र नं ३ का साँसद एवं निवर्तमान गृहमन्त्री रमेश लेखकको जानकी टोल र बेदकोट नगरपालिका ८ स्थित घरमा तोडफोड र आगजनी गरे भने भीमदत्त नगरपालिका ६ ऐंठपुरस्थित रहेको सुदूरपश्चिम प्रदेशका पूर्व मुख्यमन्त्री राजेन्द्र सिह रावलको घरमा तोडफोडसंगै आगजनी गरे । दिउसो २ बजिसकेपछि आन्दोलनकारीहरुले सुदूरपश्चिम सरकारका पूर्व आर्थिक मामिला मन्त्री प्रकाश रावलको खैरेनीस्थित घरमा पनि आगजनी र तो...

काठमाडौं – राष्ट्रपति रामचन्द्र पौडेलले देशको विषम परिस्थितिमा जेनजिले उठाएका माग हरु समाधान गर्न जेनजी प्रतिनिधिहरुलाई बर्तामा आउन आह्वान गरेका छन् । मंगलबार जारी अपिलमा उनले लोकतन्त्रमा नागरिकले उठाएका मागहरू वार्ता र संवादमार्फत समाधान गर्न सकिने भएकाले संयमता अपनाउन आग्रह गर्दै राष्ट्रपति पौडेलले प्रेस नोटमा भनेका छन् ‘प्रधानमन्त्री केपी शर्मा ओलीको राजीनामा स्वीकृत भइसकेको अवस्थामा मुलुक, जनता र लोकतन्त्रलाई माया गर्दै समस्या समाधानका लागि सबै पक्षले सहयोग गर्नुहुनेछ भन्ने विश्वास लिएको छु।’ उनले जेन्जीका प्रतिनिधिसहित सबै सरोकारवालासँग वार्तामार्फत् समस्याको समाधान गर्न सकिने विश्वास व्यक्त गर्दै संयमित हुन आह्वान गरेका छन् ।...

काठमाण्डौ –नेपाली सेनाले जेनजी आन्दोलनका क्रममा भएको जनधनको क्षतिप्रति गहिरो दुःख प्रकट गर्दै संयमता अपनाउन अपिल गरेको छ । सैनिक जनसम्पर्क तथा सूचना निर्देशनालयले मंगलबार ५ बजे जारी गरेको अपिलमा दिवंगत आत्माप्रति श्रद्धाञ्जली र शोकसन्तप्त परिवारप्रति संवेदना व्यक्त गरिएको गरीनुका साथै आन्दोलनका क्रममा घाइते भएका विरामीहरूको शीघ्र स्वास्थ्य लाभको कामना गरीएको छ । साथै सेनाले विद्यमान अवस्थालाई थप जटिल हुन नदिन सामाजिक सद्भाव र राष्ट्रिय एकता कायम राख्न सबै पक्षलाई आग्रह गरेको छ । ''देशको ऐतिहासिक, सांस्कृतिक, पुरातात्त्विक र राष्ट्रिय सम्पत्तिको संरक्षण हामी सबैको साझा दायित्व हो,'' सेनाको अपिलमा भनिएको छ, ''यस विषम परिस्थितिमा संयमित रहन सम्पूर्ण युवा जनशक्ति र देशवासीमा हार्दिक अनुरोध गर्दछौं।'' नेपाली सेनाले परिस्थितिको निरन्तर विश्लेषण भइरहेको पनि जनाएको छ । त्यसैगरी सेनाले राष्ट्र र ...