samachar

महेन्द्रनगर–‘हपुज तडका घुईयाघाट’ रेष्टुरेन्टको शाखा महेन्द्रनगरको भाषिमा संञ्चालनमा आएको छ । कैलालीको धनगढी बजारमा लोकल कुखुराको परिकारका लागि चर्चित रहेको ‘हपुज तडका घुईयाघाट’ रेष्टुरेन्टको शाखाकोरुपमा महेन्द्रनगरको भाषिस्थीत महेन्द्र हाईवेईमा(चेतन होटलनजिक) आईतवारदेखि संञ्चालनमा आएको हो । दिनेश राना, भुवन मल्ल लगायतका युवाहरुको संयुक्त लगानीमा संञ्चालन गरीएको उक्त रेष्टुरेन्टमा लोकल कुखुराका विभिन्न स्वादका परिकार सहित माछाका परिकारसमेत लिन सकिनेछ । हपुज तडकाका संचालक दिनेश रानाले धनगढीमा दुई शाखासंगै महेन्द्रनगरमा समेत शाखा विस्तार गरेको बताए । उनले विभिन्न स्वादमा परिकार पाईनुका साथै माछाको परिकारपनि पाईने बताए । अर्का संचालक भुवन मल्लले महेन्द्रनगर क्षेत्रका ग्राहकको माग र आवश्यकताका आधारमा उक्त रेष्टुरेन्ट खोलिएको बताए । उनले लोकल कुखुराको विभिन्न परिकारको स्वाद लिनका लागि ‘हपुज तडक...

महेन्द्रनगर - कञ्चनपुरका १३ जना मानिस साउनदेखि हराईरहेका छन । जिल्ला प्रहरी कार्यालय कञ्चनपुरका अनुसार गएको साउन महिनादेखि असोज १२ गतेसम्मको समयावधिमा ६ महिला, २ बालक र ५ जना बालिका गरी १३ जना मानिस हराईरहेकाहुन । जिल्ला प्रहरी कार्यालयमा ३६ जना मानिस हराएको निवेदन आएको भएपछि प्रहरीले २३ जना मात्रै खोजी तालासी गर्न सकेको छ । जिल्लामा १५ जना महिला, ९ जना बालक र १२ जना बालिका हराएको निवेदन जिल्ला प्रहरी कार्यालयमा आएको जिल्ला प्रहरी कर्यालय कञ्चनपुरका प्रमुख एवं प्रहरी उपरीक्षक(एसपि) खड्क बहादुर खत्रीले बताए । उनले साउनदेखि असोजसम्म ३६ जना मानिस हराएको निवेदन परेकोमा २३ जनाको खोजी गरी परिवारको जिम्मा लगाईएको बताए ।...

महेन्द्रनगर–प्रहरीले कर्तव्य ज्यान मुद्दाका फरार कैदीलाई २१ वर्षपछि पक्राउ गरेको छ । कैलालीको साविकको रामशिखरझाला–७ हाल घोडाघोडी नगरपालिका–४ का छत्रबहादुर रावललाई फरार भएको लामोसमयपछि प्रहरीले पक्राउ गरेको हो । जिल्ला प्रहरी कार्याालय कैलालीका अनुसार आइतवार निज रावललाई जिल्ला कारागार कार्यालय कैलाली पठाई सकिएको छ । कर्तव्य ज्यान मुद्दामा जिल्ला अदालतबाट जन्मकैद र उच्च अदालतबाट १० वर्ष कैद सजाय पाई कारागार कार्यालय कैलालीमा कैद भुक्तान गरिरहेको अवस्थामा २०६१ सालमा रावल फरार भएका थिए । तत्कालीन नेकपा(माओवादी)ले कारागारमा आक्रमण गर्दा फरार भएका रावललाई २०६६ सालमा सर्वोच्च अदालतले १० वर्ष कैद सजाए गरेको थियो । फरार रावललाई भदौ ११ गते माघी गाउँबाट पक्राउ गरिएको ईलाका प्रहरी कार्यालय सुखडका प्रमुख डिएसपी रमेशदत्त अवस्थीले बताए ।...

भक्तपुर – नेकपा एमालेले विकसित राजनीतिक घटनाक्रमका बारेमा छलफल गर्नका लागि असोज २७ र २८ गते पार्टी केन्द्रीय कमिटीको बैठक बोलाएको छ । केन्द्रीय सचिवालयको आज गुण्डुमा बसेको बैठकले यस्तो निर्णय गरेको हो । उपमहासचिव एवं प्रवक्ता प्रदिप ज्ञवालीका अनुसार केन्द्रीय कमिटीका एजेण्डा तय गर्न असोज १९ र २० गते सचिवालयको बैठक डाकेको छ । ‘सम्भवत हामी चाँडै राष्ट्रिय महाधिवेशन गर्दैछौं । केन्द्रीय कमिटीले यस विषयमा निर्णय लिन सक्छ’ ज्ञवालीले भन्नुभयो । ज्ञवालीका अनुसार जेनजी आन्दोलनका क्रममा निधन भएकाहरुप्रति श्रद्धान्जली र घाइतेहरुको शिघ्र स्वास्थ्य लाभको कामना गरेको छ । यसैगरी आन्दोलनका दोषी र तोडफोड र आगजनीमा संलग्नलाई कार्यबाहीको दायरामा ल्याउन पनि बैठकले माग गरेको छ । ज्ञवालीका अनुसार भदौ २३ र २४ गतेका घटनाको जाँचबुझ गर्न गठित आयोगले आज पार्टी अध्यक्ष केपी शर्मा ओलीको राहादानी रोक्का गरेको समाचार...

महेन्द्रनगर–ठगीमुद्धाकी आरोपित ऐश्वर्या दाहाल ईन्टरपोलबाट रेड नोटिस भई युएईबाट पक्राउ परेकी छन् । धनुषा जनकपुरधाम उपमहानगरपालिका वडा नं.१६ बस्ने सिन्धुली कमलामाई नगरपालिका १४ घर भएकी ऐश्वर्या दाहाल पक्राउ परेकी हुन् । बुधबार पक्राउ परेकी उनलाई ठगीमुद्धामा अनुसन्धान गरी कारवाही गराउने प्रयोजनार्थ नेपाल ल्याईएको नेपाल प्रहरीको केन्द्रिय कार्यालयले जनाएको छ । ठगी मुद्दामा संलग्न रही फरार रहेकी उनलाई अन्तर्राष्ट्रिय स्तरमा खोजतलास र पक्राउ गर्नको लागि एनसिबि काठमाडौंको अनुरोधमा इन्टरपोल महासचिवालयबाट २०८१ चैत २१ गते उनी विरूद्ध रेड नोटिस जारी भएको थियो । उनलाई आवश्यक अनुसन्धान एवम् कारवाहीको लागि जिल्ला प्रहरी कार्यालय सुनसरी पठाइएको नेपाल प्रहरी प्रधान कार्यालय इन्टरपोल शाखाले जनाएको छ ।...

महेन्द्रनगर - सितोरियो कराते संघद्वारा पत्रकार ऐश्वर्या कुँवर सम्मानित भएकी छन् । महेन्द्रनगरमा सुरु भएको सुदूरपश्चिम प्रदेशस्तरीय खुला कराते प्रतियोगिताको उद्घाटन समारोहमा मङलबार पत्रकार कुँवरलाई सम्मान गरिएको हो । कार्यक्रमका प्रमुख अतिथि तथा सितोरियो कराते संघका केन्द्रीय अध्यक्ष दावा गुरुङले कुँवरलाई दोसल्ला ओढाएर सम्मानपत्र प्रदान गरेका थिए । अछाम जिल्लाबाट २०५२ सालदेखि २०६० सालसम्म कराते खेलबाट ब्ल्याक बेल्ट प्राप्त गरी खेलकुद क्षेत्रमा पुर्‍याएको अतुलनीय योगदानको कदर र हाल कञ्चनपुर जिल्लामा पत्रकार महासंघको सदस्य रही खेल र समाज बिकाशको लागि अमूल्य योगदान पुर्याएको भन्दै पत्रकार एश्वर्या कुवरलाइ सम्मानित गरेको छ । विगत आठ वर्षदेखि पत्रकारितामा सक्रिय कुँवर आभास डटकमकी सञ्चालिका, नेपाल पत्रकार महासंघ कञ्चनपुर शाखाकी जिल्ला सदस्य तथा नेपाल प्रेस युनियन कञ्चनपुरकी नेतृ हुन्। उ...

महेन्द्रनगर – निर्माण व्यवसायी संघ कञ्चनपुरका नव निर्वाचित पदाधिकारी सदस्यले सपथ ग्रहण तथा पदभारग्रहण गरेका छन । गत २१ भदौँमा संघको १५औँ कार्य समिति चयनका लागि भएको निर्वाचनबाट निर्वाचित पदाधिकारी एव सदस्यले सोमबार निर्माण व्यवसायी संघको सभाकक्षमा सपथ ग्रहण तथा पदभारग्रहण गरेका हुन । निर्वाचन संयोजक पदमराज भट्टले अध्यक्ष अवस्थीलाई सपथ ग्रहण गराएका थिए । त्यसैगरी अध्यक्ष अवस्थीले अन्य पदाधिकारी र सदस्यहरुलाई सपथ ग्रहण गराएका थिए । निर्वाचित पदाधिकारीहरुलाई प्रमाण पत्र समेत वितरण गरिएको छ । कार्यक्रममा नव निर्वाचित अध्यक्ष पुष्पराज अवस्थीले समग्र जिल्लाभरीका निर्माण व्यवसायीको हकहितमा काम गर्ने प्रण गर्दै संघलाई एकढिक्का बनाएर लग्ने बताए । कार्यक्रममा निर्वतमान अध्यक्ष निरञ्जन प्रशाद भट्टले आफ्नो कार्यकालमा व्यबसायीकोे हकहितका लागि गरएिका कामलाई नयाँ समितिले निरन्तरता दिने आशा ...

महेन्द्रनगर–मंगलबारदेखि सुदूरपश्चिम प्रदेश सितोरियो कराँते संघको आयोजनमा प्रदेशस्तरीयत खुला कराँते प्रतियोगिता हुदैछ । खेलाडीहरुले निरन्तर अभ्यास गरेतापनि आफ्नो कला प्रदर्शन र परिक्षण गर्ने थलोको अभाव खट्कीरहेको बेला खेलाडीहरुको मनोबल उच्च राख्नकालागि प्रतियोगिताको आयोजना गर्न लागिएको आयोजकले जानकारी दिएको छ । सुप प्रदेश सितोरियो कराते संघका संयोजक ओमकार गिरीले खेलाडीहरुमा आत्मवल बढाउन र पलायन हुनबाट रोक्नका लागि उक्त प्रतियोगिता आयोजना गरीएको बताए । प्रतियोगिताका सम्पूण खेलहरु महेन्द्रनगरको कर्बडहलमा संचालन हुनेछ । प्रतियोगितामा उमेर र तौल समुह अनुसार खेलाडीहरुविच प्रतिस्पर्धा गराईनेछ । तौलसमुह तर्फ २५ र ८५ किलो माथि र उमेर तर्फ १०, १३, १६, १९ बर्षमुनी र १९ बर्षमाथि उमेर समुहविच प्रतिस्पर्धा हुने आयोजकले जनाएको छ । कञ्चनपुर, कैलाली सहित सुदूरपश्च्मि प्रदेशका पहाडी जिल्लाबाट खेलाडीहरुले स...

महेन्द्रनगर–खाद्य व्यवस्था तथा व्यापार कम्पनी लिमिटेडले महेन्द्रनगरमा सहुलियत दरमा चामल विक्रि गरीरहेको छ । खाद्य व्यवस्था तथा व्यापार कम्पनी लिमिटेडको महेन्द्रनगरमा रहेको कार्यालयबाट भाद्र ३० गतेदेखि सहुलियत दरमा चामल विक्रि गरीरहेको हो । कम्पनीले आगामी कार्तिक १० गतेसम्म सहुलियत दरमा चामल विक्रि गर्ने जनाएको छ । कम्पनीले दशै दिपावलीलाई लक्ष्यीत गरी सर्वसाधरणका लागि मोटो र मसिनो गरी दुई प्रकारको चामल सहुलियत दरमा विक्रि गरीरहेको कार्यालयका प्रमुख महिकरण महराले बताए । ‘हामीले विगत बर्षजस्तै यस बर्षपनि सहुलियत दरमा चामल विक्रि गरीरहेका छौ,’ कार्यालय प्रमुख महराले भने, ‘जीरा मसिनो चामल र मोटो चामल गरी दुई क्याटगेरीको चामल राखेका छौ ।’ मोटो र मसिनो चामल प्रति किलो पाँच रुपैँया सहुलियतमा बिक्री गरीरहेको कार्यालय प्रमुख महराले बताए । उनका अनुसार कम्पनिले जिरा मसिनो र मोटो चामलको क्रमश प्...