सुप प्रदेशस्तरिय खुला कराँते प्रतियोगिता हुदै

महेन्द्रनगर–मंगलबारदेखि सुदूरपश्चिम प्रदेश सितोरियो कराँते संघको आयोजनमा प्रदेशस्तरीयत खुला कराँते प्रतियोगिता हुदैछ । खेलाडीहरुले निरन्तर अभ्यास गरेतापनि आफ्नो कला प्रदर्शन र परिक्षण गर्ने थलोको अभाव खट्कीरहेको बेला खेलाडीहरुको मनोबल उच्च राख्नकालागि प्रतियोगिताको आयोजना गर्न लागिएको आयोजकले जानकारी दिएको छ ।
सुप प्रदेश सितोरियो कराते संघका संयोजक ओमकार गिरीले खेलाडीहरुमा आत्मवल बढाउन र पलायन हुनबाट रोक्नका लागि उक्त प्रतियोगिता आयोजना गरीएको बताए । प्रतियोगिताका सम्पूण खेलहरु महेन्द्रनगरको कर्बडहलमा संचालन हुनेछ । प्रतियोगितामा उमेर र तौल समुह अनुसार खेलाडीहरुविच प्रतिस्पर्धा गराईनेछ । तौलसमुह तर्फ २५ र ८५ किलो माथि र उमेर तर्फ १०, १३, १६, १९ बर्षमुनी र १९ बर्षमाथि उमेर समुहविच प्रतिस्पर्धा हुने आयोजकले जनाएको छ । कञ्चनपुर, कैलाली सहित सुदूरपश्च्मि प्रदेशका पहाडी जिल्लाबाट खेलाडीहरुले सहभागिता जनाउनेछन् । प्रतियोगितामा झण्डै ६ सयबढि खेलाडीविच प्रतिस्पर्धा हुनेछ । प्रतियोगिताका संयोजक कर्म बहादुर सिहले सहभागि खेलाडीहरुलाई बसोबासलगायतको प्रबन्ध गरीएको बताए । विजेता खेलाडीलाई प्रमाण पत्र, मेडल सहित नगद पुरस्कार प्रदान गरिनेछ । उदघाटनमा सितोरियो कराँते संघका केन्द्रीय अध्यक्ष दावा गुरुङ् प्रमुख अतिथि रहने आयोजकले जानकारी दिएको छ । संघले अन्तराष्ट्रिय खेलाडीहरुलाई समेत सम्मान गर्ने कार्यक्रम छ । सितोरियो कराते प्रशिक्षक बिरेन्द्र बहादुर चन्दले सोेनिया तिरुवा, आस्था लुहार, मनिसा बोहरा, कञ्चन बोहरा र शुनिता सुनारलाई सम्मान गरिने बताए ।
सुदूरपश्चिम प्रदेश सितोरियो कराँते संघका अध्यक्ष यज्ञराज बैजले खेल र खेलाडीको विकास र स्तरबृद्धिका लागि खुला प्रतियोगिता आयोजना गरिएको बताए ।
सुर्खेतमा हुने भनिएको १०औ राष्ट्रिय खेलकुद प्रतियोगिता विगत एक बर्षदेखि हुन सकेको छैन । प्रतियोगिता दुई पटक स्थगित भएपछि खेलाडीहरुमा निरासा र हतोत्साहित भएको देखिन्छ । २०७९ असोज २८ देखि कार्तिक ३ सम्म गण्डकी प्रदेशको पोखरामा राष्ट्रिय खेलकुद प्रतियोगिता भएको थियो ।