महेन्द्रनगर–कञ्चनपुर जिल्ला प्रहरीले महेन्द्रनगर बजारमा व्यपारीका पसलहरुमा छापा मारेको छ । जिल्ला प्रहरी कार्यालय कञ्चनपुरले शनिबार महेन्द्रनगर बजारमा व्यपारीका पसलहरुमा छापा हानेपछि व्यपारीका पसलहरुमा लाखौ मूल्यका अबैध सामान फेला पारी बरामद गरेको हो । महेन्द्रनगर बजारको गल्ली नम्बर ५ स्थित अंकुश गुप्ताले संचालन गरेको एजी मोवाईल केयर सेन्टरमा छापा मार्दा भन्सार छलीको सामान बरामद गरेको छ । गुप्ताले भारतबाट भन्सार छलीगरी सामान ल्याउने गरेको गोप्य सूचनाका आधारमा प्रहरीले छापामारेको हो । प्रहरी गुप्ताको मोवावईल पसलबाट अन्दाजी नेपाली बजार मूल्य रु ४ लाख ३९ हजार ८ सय बरावरको अबैद सामान बरामद गरेको जिल्ला प्रहरी कार्यालय कञ्चनपुरले जनाएको छ । गुप्ताले अबैधरुपमा मोवाइल डिस्प्ले, ग्लास, एयरफोन, एयरपोट, डाटा केवल, हेड फोन, चार्जर, मोवाइल स्टेण्ड, ट्याव, साउण्ड बक्स लगायत राखेकोमा बरामद गरीएको जिल्ला प्रहरी कार्यालयजिल्ला प्रहरी कार्यालय कञ्चनपुरका सूचना अधिकारी ईन्सपेक्टर विरेन्द्र थापाले बताए । उनका अनुसार भन्सार तिरेका विल भरपाई नभएका सामानहरु बरामद गरीको हो । एकदुई दिनसम्म विलभरपापाई ल्याउनका लागि समय दिएको र अनुसन्धान पनि चलिरहेको सूचना अधिकारी ईन्सपेक्टर थापाले बताए । ३ ओटा आईफोन कष्टमरको भनेर पसलेले भनेको कारण ग्राहकले विलसहित दावि गरे फिर्ता गरीने उनले बताए ।
त्यसैगरी शनिबार दिउसो ४ बजेको समयमा समयमा भिमदत्त नगरपालिका वडा नंम्बर ४ बाट अबैंध रुपमा भारतबाट भन्सार छलि गरि ल्याएका अन्दाजी मूल्य रु २१ हजार बराबरका माछा पनि जिल्ला प्रहरी कार्यालय कञ्चनपुरको गस्ती टोलीले बरामद गरी आवश्यक प्रक्रिया पुरा गरी स्थानीय जनप्रतिनिधिको रोहवरमा नष्ट गरेको जिल्ला प्रहरी कार्यालय कञ्चनपुरका सूचना अधिकारी ईन्सपेक्टर विरेन्द्र थापाले बताए ।
परशुराम मिडिया प्रालि.द्धारा सञ्चालित नयाँ खवर डटकमले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषण समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेषण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।
