महेन्द्रनगर–कञ्चनपुर जिल्लाबाट त्रिभुवन विश्वविद्यालयको होलोग्राम सहित एक जना पक्राउ परेको छ । शनिबार जिल्लाको पुनर्वास नगरपालिका ११ डोकेबजारबाट धनगढी उपमहानगरपालिका ३ बस्ने ४२ बर्षिय बाबुराम रानालाई त्रिभ्ुवन विश्वविद्यालयको होलोग्रामसहित प्रहरीले पक्राउ गरेको हो । गोप्य सूचनाका आधारमा उनलाई प्रहरीले चेकजाँच गर्दा निजको साथबाट ४५ हजार थान होलोग्राम सहित उनलाई पक्राउ गरेको सुदूरपश्चिम प्रदेश प्रहरीले कार्यालयका प्रबक्ता एवं प्रहरी उपरिक्षक गौतम मिश्रले बताए ।
प्रबक्ता प्रहरी उपरिक्षक मिश्रका अनुसार विश्वविद्यायको होलोग्राम अनाधिकृत व्यक्तिले बोकेको पाईएकाले नक्कली सर्टिफिकेट बनाउने कार्यका उनीहरुको संलग्नता हुनसक्ने विषयमा पनि अनुसन्धान भइृरहेको छ । ‘विश्वविद्यालयको होलोग्राम अनाधिकृत व्यक्तिले बोकका कारण उनीहरु नक्कली सर्टिफिकेट बनाउने कार्यमा संलग्न रहेको विषयमा पनि अनुसन्धान भईरहेको छ,’ उनले भने, ‘नक्कली सर्टिफिकट बनाउनकै लागि होलोग्राम लगिराखेको हो तर कहाँ कसरी कस कसको संलग्नता छ थप अनुसन्धानबाट खुल्दै जानेछ ।’
प्रहरी स्रोतका अनुसार Tribhuwan university Kathmandu त्रिभुवन बिश्वबिद्यालय काठमाण्डौँ, नेपाल संगठित बि.स.२०१२, स्थापित वि.स.२०१६ लेखेको त्रिभुवन बिश्व बिद्यालयको ४५,००० (पैचालिस हजार) थान होलोग्राम बरामद गरीएका छन् ।
रानालाई प्रहरी चौकी परासन, कञ्चनपुरबाट खटिएको प्रहरी टोलीले नियन्त्रणमा लिएको थियो ।
परशुराम मिडिया प्रालि.द्धारा सञ्चालित नयाँ खवर डटकमले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषण समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेषण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।