१
Advertisement
नयाँ खबर
महेन्द्रनगर – होली फेमली इङ्गलिश मिडियम स्कुलले भोटेकोशीमा आएको बाढीपिडितका लागि आर्थिक सहयोग गरेको छ । भदौ १० गते भोटेकोशी नदीमा आएको बाढीले रसुवा सहित १४ जिल्लामा ठूलो क्षति भएको थियो । बाढी पीडितलाई राहत, उद्धार तथा बेपत्ता नागरीकको खोजीका लागि होली फेमली स्कूल, होली ग्रुप अफ स्कूल, विद्यार्थी र अभिभावकले तिन लाख ३१ हजार ४ सय १६ रुपया सहयोग गरेका हुन् ।
होली फेमली स्कुलका संस्थापक भुपाल सिंहले बिष्टले दुई लाख, बिद्यार्थीहरुले संकलन गरी ३७ हजार ७ सय ८२, शिक्षक कर्मचारीबाट ५६ हजार ४ सय ६, खडक सिंह बिष्टले १० हजार र बिद्यालयका संचालक हरि भट्टले २७ हजार २ सय १६ रुपया सहित तिन लाख ३१ हजार ४ सय १६ रुपया प्रधानमन्त्री दैबी प्रकोप उद्वार कोषमा जम्मा गरेका छन् ।
होली फेमली स्कुलका असिस्टेन्ट मेनेजर महादेब प्रसाद भट्टले सहयोग रकम प्याब्सन मार्फत प्रधानमन्त्री दैबी प्रकोप उद्वार कोषमा सहयोग रकम संकलन गरिएको बताए ।
‘हालै रसुवा जिल्लाको भोटेकोसी नदीमा आएको भीषण बाढीबाट अत्यन्त प्रभावित नागरिकहरुलाई थोरै भए पनि राहत पुगोस् भन्ने उद्देश्यले सहयोग गरिएको हो’ उनले भने ।
‘सानो आर्थिक सहयोग प्रदान गरेका छौ, यस दुःखद घडीमा मानवीय धर्म निर्वाह गर्दै सहयोगी सम्पुर्ण विद्यार्थी ,शिक्षक÷शिक्षिका,कर्मचारी तथा विद्यालयका संस्थापकज्यूलाइ धन्यवाद दिन चाहन्छौं’ भट्टले भने, ‘साथै बाढीमा परी ज्यान गुमाउनु हुने सम्पुर्ण प्रती हार्दिक श्रद्धाञ्जली व्यक्त गर्दै बेपत्ता हुनु भएका नागरिक हरुको शीघ्र उद्धार र घाइते सम्पुर्णप्रति शीघ्र स्वास्थ्य लाभको कामना गर्दछौं ।
परशुराम मिडिया प्रालि.द्धारा सञ्चालित नयाँ खवर डटकमले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषण समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेषण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।
