कञ्चनपुरमा पनि छठको रौनक

महेन्द्रनगर–कञ्चनपुर जिल्लामा पनि छठ पर्व हर्सउल्लासका साथ मनाईदै छ । नेपालको पूर्वी तराई एवं मधेशी समुदायले हरेक बर्ष मनाउदै आएको छठ पर्व महेन्द्रनगरको महाकाली सिँचाई नहर किनारमा धुमधामका साथ सुर्य भगवानको पुजाआज गरी मनाईदैछ । घर परिवारमा सुख शान्तिदेखि सन्तानको भविष्यका लागि मनाईने उक्त पर्व विगत दश बर्षदेखि महेन्द्रनगरमा मधेशमुलका समुदायले मनाउदै आएका छन् ।
मधेशी समुदायका अगुवा राम सोगारथ ठाकुरले महाकाली सिँचाई नहर किनार घाट बनाएर पुजा शुरु गरिएको बताए । छठ पर्व मनाएर सन्तानको महिमा बढ्ने धार्मिक मान्यता रहेको छ । घरबाट पकाएर ल्याएका खाने परिकार सहित नदीमै स्नान गरेर मनाउने चलन रहेको उनले बताए ।

मैथली समुदायका अगुवा राम लखन गुप्ताले पनि बेलौरी बैशाखा नदीमा सामुहिक छठ पर्व मनाएको बताए । उनले सुर्यलाई भगवानको प्रतिकको रुपमा पुजागर्ने भक्तजनहरुले मनोकाङक्षा पुराका लागि मनाउने बताए । छठको सष्ठीका दिन घाटमै रातभर भजनकृतन सहित पुजा आराधाना गरेर मनाईनेछ । कार्तिक शुक्लसप्तमी तिथिका दिन उदाउँदो सुर्यलाई अध्र्य दिएपछि छठपुजना समान गरिनेछ ।
छठ पर्व कार्तिक शुक्ल चतुर्थीदेखि सप्तमीसम्म मनाउने गरीन्छ । ऐठपुरस्थीत नहर किनारमा सजाएर बनाईएको उक्त साजसज्जा हेर्न भक्तजनको घुइँचो लागेको छ।