नयाँ खबर
महेन्द्रनगर – कैलाली जिल्लामा नगरप्रहरीले एक व्यवसायीको वाईस क्विन्टल आँप नष्ट गरेको छ । आईतबार धनगढी उप महानगरपालिका स्थीत सहिद गेट कृषि उपज थोक बजारमा रहेको सञ्जित शाहको श्री मा जानकी स्टोरका राखिएका २२ क्विन्टल ६० किलोग्राम आँप नगर प्रहरीले नष्ट गरेको हो ।
शाहको उक्त स्टोरमा राखिएका आँपलाई परिक्षण गर्दा अत्याधिक विषादीको मात्रा अत्याधिक रहेको पाईएपछि नगरप्रहरीद्धारा उक्त आँपलाई नष्ट गर्न लगाईएको धनगढी उपमहानगरपालिकाको उपभोक्ता संरक्षण शाखा प्रमुख महेश मल्लले बताए ।
‘आइतवार धनगढीका थोक बजार तथा मण्डीबाट तरकारी तथा फलफूलका १५ नमुना संकलन गरी विषादीको अवशेष परीक्षण गरिएको थियो’, उनले भने, ‘भिन्डी, काँक्रो टमाटर, करेला, केरा, अंगुर, स्याउ, अनार र आँपमा विषादी परीक्षण गरिएकोमा आँपमा विषादीको मात्रा बढी देखिएको र खान अयोग्य आँप बरामद गरी नष्ट गरिएको हो ।’
धनगढी उपमहानगरपालिकाको संयोजनमा खाद्य प्रविधि तथा गुण नियन्त्रण कार्यालय धनगढी र विषादी अवशेष द्रुत विश्लेषण प्रयोगशाला अत्तरिया, जिल्ला प्रशासन कार्यालय कैलाली, नेपाल प्रहरी, पत्रकार महासंघ तथा सरोकारवालाहरूको संयुक्त अनुगमनमा धनगढीको सहिदगेट कृषि उपज थोकबजार, दक्षिणकाली मार्ग सब्जीमन्डी र चौराहास्थित हाटबजारबाट तरकारी तथा फलफूलका नमुना संकलन गरी परीक्षण गरिएको थियो ।
द्रुत परीक्षणको क्रममा भारतबाट आयात गरिएका फलफूल मध्ये आँपमा विषादीको अवशेष अत्याधिक मात्रामा भेटिएको खाद्य प्रविधि तथा गुण नियन्त्रण कार्यालय धनगढीका प्रमुख हरेराम प्रधानले बताए ।
उनले अन्य तरकारी र फलफूलमा विषादीको अवशेष सामान्य रहेको भए पनि आँपमा विषादीको मात्रा उच्च भएकाले खान अयोग्य ठहर गरि धनगढी उपमहानगरपालिकाले उक्त आँप नष्ट गरेको बताए ।
परशुराम मिडिया प्रालि.द्धारा सञ्चालित नयाँ खवर डटकमले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषण समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेषण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।
