मन्त्री भण्डारीद्धारा दोधारा चादनीमा निर्माणाधिन सुख्खा बन्दरगाहको शिलान्यास र जग्गा क्लिरेन्स हस्तान्तरण कार्य चाडो गर्ने प्रतिबद्धता

महेन्द्रनगर–उद्योग, बाणिज्य तथा आपूर्ति मन्त्री दामुदर भण्डारीले देशकै राष्ट्रिय गौरवको आयोजनाको रुपमा लिईएको निर्माणाधिन दोधारा चादनी सुख्खा बन्दरगाहको एकैपटक शिलान्यास र जग्गाको क्लिीरेन्स हस्तान्तरण गर्ने प्रक्रियालाई चाडोभन्दा चाडो गर्ने प्रतिबद्धता जनाएका छन् । मन्त्री भएपछि तेस्रोपटक सुख्खाबन्दरगाहको अनुगमन तथा अवलोकनको क्रममा मन्त्री भण्डारीले उक्त प्रतिबद्धता जनाएका हुन् । ‘मन्त्राल र सरकारले यसलाई विशेष महत्वको आयोजनाको रुपमा लिएको छ,’ उहाँले भन्नुभयो, ‘एकै पटक हामी शिलान्यास र घरजग्गाको क्लिरेन्स गरेर हस्तान्तरण गर्ने प्रक्रियालाई चाडोभन्दा चाडो अगाडि बढाउने प्रतिबद्धता जनाउछु ।’

दोधाराचादनी सुख्खाबन्दरगाह तेस्रो मुलुकमा निर्यात गर्ने पोर्टको रुपमा विकास गरीनेसमेत मन्त्री भण्डारीले बताएका छन् । उहाले यसकालागि कर्मचारीस्तरमा भारतीयपक्ष र नेपाली पक्षविच कुराकानी भई राजनितिक रुपमा पनि छलफल भएको बताउनुभयो । ‘हामी खासगरीकन भारतको गुजरात प्रदेशको धमरापोट र मुद्रापोर्ट दुईटापोर्टसंगको कनेक्टीभिटिका लागि लागेकाछौ,’ उहाँले भन्नुभयो, ‘बिभिन्न चरणमा भारतीय पक्ष र नेपाली पक्षको सरकारी स्तरमा र राजनितिक रुपमा पनि छलफल भएको छ ।’
सुख्खाबन्दरगाहको विषयलाई प्राथमिकतामा राखेर भारत भ्रमण गरीने समेत उहाले बताउनुभयो । ‘संम्भवतः अवको भ्रमणमा यो विषयलाई हामी प्रमुखताका साथ उठाउछौ,’ मन्त्री भण्डारी भन्नुभयो, ‘सरकारले विषेश महत्व दिएर यो विषय उठाउछ ।’

दुई पोर्ट पाउने कुरामा नेपाल सरकार आशावादी रहेको समेत उहाले बताए । त्यसकालागि समेत थुप्रे चरण्मा गृहकार्य भएको दावि उहाँले गर्नुभयो । ‘दुईकोट पाउने कुरामा नेपाल सरकार आशावादी छ,’ अवलोकनको क्रममा उहाँले भन्नुभयो, ‘यसको थुप्रै चरणमा गृहकार्य भाछ व्याकडोर छलफल पनि अगाडि बढेको छ ।’

दोधारा चादनी सुख्खा बन्दरगाह निर्माण भएपछि तेस्रो मुलुकसंगको नेपालको आयातनिर्यातमा सुधार हुने भएकाले सरकारले महत्वदिएर यसको निर्माण गर्न लागेको उहाँले बताउनुभयो । यो सुख्खा बन्दरगाह संञ्चालनमा आएमा सुदूरपश्चिममात्रै नभई देशकै विकासमा ठूलो टेवा पुग्ने अपेक्षा गरीएको छ ।

तेस्रो मुलुकसंगको व्यपारका लागि सबैभन्दा छोटो दुरीमा पर्ने भएकाले यो सुख्खा बन्दरगाह लाई निर्यात गर्ने पोर्टमध्ये महत्वपूर्णरुपमा हेरीएको छ । यसपोर्टबाट आयातनिर्यात गर्दा ट्रान्सपोर्टेसनमा २०देखि ४५ दिनको दुरी रहने अनुमान गरीएको छ ।

रुख कटान लगायतका विभिन्न कुरामा सहयोग गर्ने स्थानीय सरकारका प्रमुख, स्थानीय प्रशासनलगायत सरोकार राख्ने मिडियालाई समेत मन्त्री भण्डारीले धन्यवाद ज्ञापन गर्नुभयो । सुख्खा बन्दरगाहको निर्माणले सुदूरपश्चिम प्रदेशको व्यपार, उद्योगमा महत्वपूर्ण अर्थ राख्नेछ ।