नेपाल टि–ट्वान्टी सिरीजमा नेदरल्याण्डसंग ६ विकेटले बिजयी

पार्वती बोहरा
महेन्द्रनगर – त्रिकोणात्मक टि–ट्वान्टी सिरिजमा नेपालले नेदरल्याण्डलाई ६ विकेटले हराएको छ । टज जितेर वलिङ्ग रोजेको नेपालले नेदरल्याण्डले दिएको एक ७५ रनको लक्ष्यलाई १९ दशमलव ४ ओभरमा चार विकेटको क्षतिमा लक्ष्य भेटाएको हो ।

कुसल भुर्तेलले ५१ बल खेल्दै सार्वाधिक ६५ रन बनाए । भने आरिफ सेखले २३ बलमा ३९ रन बनाए र भीम सार्कीले १६ बलमा २७ रनको योगदान दिए । नेपालका लागि दिपेन्द्र सिंह ऐरीले १२ बल खेल्दै नट आउट १६ रन जोडे । त्यसैगरी ४ बल खेलेका लोकेस बमले नटआउट १२ रन बनाए । ६ बल खेलेर आउट भएका आसिफ सेखले ७ रन मात्रै जोड्न सफल भए । कम्तान रोहित पौडेलले ७ बलमा ५ रनमा क्याच आउट भए । आरीफ सेखलाई रिटार्य हट गरीएको हो । नेदरल्याण्डका मिचेल लेभिटले ५३ बलमा ८६ रनको आक्रामक पारी खेलेका थिए । त्यस्तै भेट्रान अलराउण्डर रोलफ भान डर मर्वेले २१ बलमा ३६ रनको अविजित पारी खेले ।

एक समय ४५/४ को अवस्थामा रहेको नेदरल्याण्ड्सका लागि लेभिटले एकतर्फी रूपमा आक्रमण गर्दै साकिब जुल्फिकरसँग मिलेर ६३ रनको साझेदारी गरे ।

१२९/७ को स्कोर भएपछि भान डर मर्वेले आर्यन दत्तसँग मिलेर ४५ रनको साझेदारी गर्दै टिमको स्कोर १७४ सम्म पुर्‍याए ।

बलिङ्गतर्फ चार ओभर पुरै गरेका करन केसीले दुई बिकेट लिए । भने पुरै चार ओभर बलिङ गरेका सन्दीप लामिछाने, ललित राजबंसी, दिपेन्द्र सिंह ऐरी, रुपेश सिंहले नेदरल्याण्ड्सका १/१ विकेट चट्काए । नेदरल्याण्ड्सका बेन फ्लेचर, आर्यन दत्त, रोलफ भान डर मर्वे र जाच लायन काचेटले १/१ विकेट लिए ।

नेपाले प्रतियोगितामा तिन खेलमा दुई खेल जितेको छ । यो जित संगै नेपाल अंक तालिकाको शिर्षस्थानमा उल्लेको छ । नेदरल्याण्डको पनि नेपालसंग समान चार अंक भएता पनि रनरेटको आधारमा नेपाल शिर्षस्थानमा रहेको हो । शुक्रबार नेपाले स्कटल्याण्डसंग खेल्ने तालिका छ । नेपालले स्कटल्याण्डसंग विजयी भएको खण्डमा सिरिजको उपाधि जित्नेछ ।