नयाँ खबर
दोधाराचादनी–कञ्चनपुर जिल्लाको दोधारा चादनी नगरपालिका वडा नं. ४ स्थीत जर्का टोलमा बाढि पस्दा स्थानीय विस्थापित भएका छन् । जोगबुडा नदी किनारमा रहेको जर्का टोलमा बाढि पसेको हुदा दुई दर्जन बढी घरपरिवार विस्थापित भएका हुन् ।
वडा कार्यालयको अगुवाईमा सुरक्षाकर्मी र स्थानीयको सहयोगमा बाढीमा फसेका वासिन्दाको उद्धार गरी सुरक्षित राखिएको छ । अहिले विस्थापित वासिन्दा जनज्योति माध्यमिक विद्यालयमा राखिएका छन् ।
जोगबुडा नदीको बाढीले वडा नं. ७ र ८ का वासिन्दा विस्थापित भएका छन् । जोगबुडा नदीको बाढी वस्ती आएपछि डुबान भएर उनीहरु सुरक्षित स्थानमा सार्न थालिएको वडा अध्यक्ष ओम प्रकाश रोकायाले बताए । जरका टोल नजिक अर्को वस्ती रामपुरे टापु छ । यो टापुका वासिन्दा पनि बर्सेनी बाढीको चपेटामा पर्दै आएका छन् ।
समुदायिक विपद् व्यवस्थापन समितिका अध्यक्ष टिका मगरले बाढी प्रभावित परिवारलाई प्राथमिक चरणमा अस्थायी आवासको व्यवस्था गरिएको बताए । उनीहरुलाई सुरक्षित खानेपानी, स्वच्छता र स्वास्थ्य सम्बन्धी सेवा प्रदान गर्ने काम भइरहेको बताए । जर्का टोलका ५२ घर परिवारमध्ये जोखिम भएका परिवारलाई सुरक्षित स्थानमा सारिएको छ ।
स्थानीय तह, विपद् समिति र सुरक्षा निकायबीच समन्वय गरी राहत तथा पुनःस्थापनाको प्रयास जारी राखेका छन् । दोधारा चाँदनी नगरपालिकाका मेयर किशोर कुमार लिम्बुले आइतबार निरन्तर वर्षा भइ रहेकाले जोगबुडा नदीको बाढी वस्तीमा पस्न सक्ने भएकाले सतर्कता अपनाउन स्थानीयलाई आग्रह गरेका थिए । दोधारा चाँदनी नगरपालिकाका मेयर लिम्बु सहित विपद् व्यवस्थापन समिति, वडा समिति बाढी पीडित वासिन्दालाई सहयोगका सक्रिय रुपमा लागेका छन् ।
परशुराम मिडिया प्रालि.द्धारा सञ्चालित नयाँ खवर डटकमले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषण समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेषण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।
