पूर्व प्रधानमन्त्री एबं नेकपा एमाले अध्यक्ष केपी शर्मा ओली र रमेश लेखकलाई सरकारले शनिबार बिहान पक्राउ गरेको विरोधमा एमाले कांग्रेसले कञ्चनपुर जिल्लाको सदरमुकाम महेन्द्रनगरमा प्रदर्शन गरेको हो ।
दुवै पार्टी कार्यालयबाट निस्केको विरोध प्रदर्शन कञ्चनपुर उद्योग वाणिज्य संघ भवनमा मिसिएर पुष्पलाल मदनचोक हुँदै बजारमा प्रदर्शन पछि मदनचोकामा पुगेर कोण सभामा परिणत भएको छ । कोण सभालाई एमालेका जिल्ला उपाध्यक्ष जनकराज अवस्थी र काँग्रेसका प्रदेश सहमहा मन्त्री गोपाल भट्टले सम्बोधन गरेका छन् ।
काँग्रेस प्रदेश सहमहामन्त्री गोपाल भट्टले बलेन नेतृत्व सरकार गठन भएकै दिन देखि प्रतिशोधको राजनीति सुरु गरेको बताए । प्रतिशोधको राजनीति गरेर देशमा मुठभेटको अवस्था सिर्जना गर्न खोजेको उनले आरोप लगाए । उनले नेताहरूलाई निःशर्त छोड्नुपर्ने नछोडेमा देशभर आन्दोलनको आधिभेरी ल्याउने चेतावनी दिए ।
एमाले उपाध्यक्ष जनक अवस्थीले पूर्व प्रधानमन्त्री र गृहमन्त्रीलाई निःशर्त रिहाइ नगरे सशक्त आन्दोलन गर्ने चेतावनी दिए । उनले आन्दोलनबाटै सरकार विस्थापित गर्ने बताउँदै एमालेका कार्यकर्ताहरु हातमा दइ जमाएर बस्ने बताए ।
पूर्वगृहमन्त्री लेखकलाई प्रहरीले शनिबार बिहान भक्तपुरको कटुन्जेस्थित निवासबाट पक्राउ गरेको थियो । उनलाई महाराजगञ्जस्थित प्रहरीको २ नम्बर गणमा राखिएको छ ।
प्रहरीले लेखकपछि पूर्वप्रधानमन्त्री केपी शर्मा ओलीलाई पनि पक्राउ गरेको थियो । उनलाई भने महाराजगञ्जस्थित शिक्षण अस्पतालमा भर्ना गरिएको छ ।
पूर्वगृहमन्त्री लेखकको पक्राउ बारे कांग्रेसले अहिलेसम्म केही प्रतिक्रिया दिएको छैन । तर, नेकपा एमालेले अध्यक्ष ओलीको पक्राउको विरोधमा सरकारविरूद्ध संघर्षका कार्यक्रम घोषणा गरिसकेको छ । देशभरि प्रदर्शन गरिएका छन्।
