कञ्चनपुर उद्योग वाणिज्य संघको कोषाध्यक्षमा बाहेक सबै पदाधिकारी निर्विरोध

महेन्द्रनगर– कञ्चनपुर उद्योग वाणिज्य संघको नयाँ कार्य समिति पदाधिकारीमा कोषाध्यक्ष बाहेक सबै निर्विरोध निर्वाचित भएका छन् । सङ्घको १८औँ कार्यकारिणी समितिको निर्वाचन अन्तरगत उम्मेदवार मनोनयनमा कोषाध्यक्ष बाहेक अन्य पदाधिकारीहरुका लागि एक एक जनाको मात्रै उम्मेदवारी परेपछि निर्विरोध निर्वाचित भएका हुन् ।
व्यवसायीबीचको आपसी समझदारी, सहकार्य जीवित रहेको कुरालाई पुष्टि गरेको छ ।

अध्यक्षमा दिनेश मल्ल, वरिष्ठ उपाध्यक्षमा दिपेन्द्र प्रसाद साउद, उपाध्यक्ष ९उद्योगतर्फ० पदमा तेजबहादुर चन्द, वाणिज्य उपाध्यक्ष पदमा गणेश चटोत, महासचिव पदमा राहुल भट्ट र सचिव पदमा नरेन्द्र प्रसाद जोशी सर्वसम्मत चयन भएका छन्।

यद्यपि, कोषाध्यक्ष र सदस्य पदमा भने सर्वसम्मति कायम हुन सकेको छैन। ती पदमा एकभन्दा बढी उम्मेदवारी परेकाले सहमतिका लागि छलफल जारी रहेको छ। सहमति हुन नसके संघको विधानअनुसार निर्वाचन प्रक्रियामार्फत टुंगो लगाइने छ। कोषाध्यक्षमा ३ जना र सात सदस्यका लागि २ महिलासहित१४ जनाको उम्मेदवारी परेको छ । कोषाध्यक्षमा शिवराज भट्ट, मिनराज भट्ट र प्रदीपाल को उम्मेदवारी परेको छ । सदस्यहरूमा लोकराज भट्ट, गोविन्द भट्ट, पारस जोशी, निरज गुप्ता, पुरण पाण्डेय, देवीदत्त जोशी, भोजराज अवस्थी, गंगा सिंह धामी, कृष्णहराना सरिता भण्डारी, हेमराज भट्ट, पार्वती कुमारी बिष्ट, संजय कुमार भट्ट र जगदीश चन्द्र भट्टको उम्मेदवारी परेको छ ।

बाणिज्य सङ्घको नेतृत्व पदमा सर्वसहमत हुनु व्यवसायीहरुका लागि सकारात्मक संकेत भएको व्यवसायिहरुको भनाई छ । उनीहरूले व्यवसायका साझा एजेन्डामा केन्द्रित भएर काम गर्ने र व्यवसायीका समस्या समाधानमा एकताबद्ध भएर अघि बढ्न सहयोग पुग्ने अपेक्षा राखेका छन् । यसले संघभित्र एकता, स्थायित्व र सामूहिक नेतृत्वको अभ्यासलाई बलियो बनाएको व्यवसायीहरूले दाबी गरेका छन्।