अमर शहीद विद्यालयको ३३औँ बार्षिकोत्सव सम्पन्न

महेन्द्रनगर– अमर शहिद आधारभूत विद्यालय महेन्द्रनगरको ३३औ बार्षिकोत्सव तथा अभिभावक दिवस सम्पन्न भएको छ । शुक्रबार कञ्चनपुर जिल्लाको भीमदत्त नगरपालिका १८, जानकी टोलमा रहेको अमर शहीद आधारभूत विद्यालयको बार्षिकोत्सव तथा अभिभावक दिवस सम्पन्न भएको हो ।
विद्यालय स्थापनाकालताका विद्यालय व्यवस्थापन समिति अध्यक्ष गंगाराम गिरीको अध्यक्षतामा सम्पन्न भएको बार्षिकोत्सवको प्रमुख अतिथि भीमदत्त नगरपालिकाका शिक्षा शाखा प्रमुख हरीदत्त जोशी रहेका थिए ।
कार्यक्रममा विद्यालयमा प्रधानाध्यापक हरिश प्रशाद जोशीले कार्यपत्र प्रस्तुत गरेका थिए । उनले प्रस्तुत गरेको कार्यपत्रमा सांकेतिक भाषा बहिरा तथा सुस्त श्रवणको शिक्षालाई माध्यमिक तहसम्म पु¥याउने, आगामी शैक्षिकसत्रदेखि विद्यार्थी संख्या बृद्धि गर्ने लगायतका उदेश्य तथा लक्ष्य राखिएका छन् । त्यसका लागि अभिभावक, शिक्षक, कर्मचारी नै अग्रसर हुनुपर्नेमा पनि जोडदिईएको छ ।

भीनपा १८का वडाध्यक्ष रविन्द्र प्रशाद देवकोटा, वडा सदस्य हेम बहादुर बस्नेत, पुर्व वडा सदस्य प्रशान्त भट्ट, विद्यालयका पुर्व अध्यक्षत्रय लोक बहादुर ठगुराठी, तर्कराज भट्ट, विष्णू प्रशाद कडेल विद्यार्थी, शिक्षक, अभिभावक सहितका सरोकारवालाहरुको उपस्थिति रहेको थियो ।
त्यसैगरी कार्यक्रममा विष्णुप्रसाद कडेल, तकराज भट्ट र लोक बहादुर ठकुराठीलाई अभिनन्दन गरीएको थियो । कार्यक्रममा विद्यालय व्यवस्थापन समितिका संस्थापक अध्यक्ष गंगाराम गिरी सहितका अभिभावक, शिक्षक, उत्कृष्ठ विद्यार्थीलाई सम्मान एव पुरस्कृत गरिएको थियो । शिक्षक सोमप्रंशाद जोशीले कार्यक्रम संचालन गरेका थिए ।