नेकपा एमाले कञ्चनपुर जिल्ला कमिटीको छैटौ पुर्ण बैठक सम्पन्न, ७० बर्षे उमेर हद नहटाउन सुझाव

महेन्द्रनगर–नेकपा (एमाले) कञ्चनपुरका अध्यक्ष लक्ष्मी बुढाको अध्यक्षतामा छैटौ पूर्ण बैठक सम्पन्न भएको छ । साउनको बिहिबार नेकपा(एमाले)को पार्टी कार्यालयमा सुदूरपश्चिम प्रदेश ईञ्चार्ज लेखराज भट्टको प्रमुख आतिथ्यतामा विभिन्न विषयमा निर्णय सर्वसहमतिले पारित गरेको छ । बैठकले भाद्र १ गते एमालेका महासचिव शंकर पोखरेलको प्रमुख आतिथ्यतामा जिल्ला अधिबेशन प्रतिनिधि परिषदको बैठक सम्पन्न गर्नेलगायत विभिन्न निर्णय गरेको नेकपा(एमाले) जिल्ला उपाध्यक्ष तथा प्रचार प्रसार विभाग प्रमुख जनकराज अवस्थीले बताए । उनका अनुसार नेकपा एमालेको केन्द्रले पठाएको बिधान संसोधन प्रस्तावमाथि छलफल गरी जिल्ला कमिटीले महत्वपूर्ण सुझाव पठाउने सहितका विभिन्न निर्णय गरेको छ । नेकपा एमाले कञ्चनपुर जिल्ला अध्यक्ष निरु पाल, केन्द्रीय सदस्य नर ब धामी, संविधान सभा सदस्य कृपाराम राना, कमला बोहरा, प्रदेश अध्यक्ष कृष्ण जैसि, लगयात केन्द्रीय सन्लाहकार परिषद सदस्य उपस्थीत रहेका थिए ।

बैठकले आगामी भदौ एमालेको भदौ २०–२२ गतेसम्म काठमाडौंमा हुने विधान महाधिवेशनका लागि केन्द्रीय कमिटीले साउन ५÷६ गते सम्पन्न बैठकले पेश गरेको विधानमा ५ वटा समुहमा विभाजन गरि बृहत्तर छलफल गरीएको उनले बताए । विधानको धारा ६४ मा रहेको ७० बर्ष उमेरको हद हटाउने कुरा पारित गरेको छ । केन्द्रीय कमिटीको सख्या २५१ लाई घटाएर १९९ राख्ने सुझाव सहित माथि पठाउने निर्णय गरीएको उपाध्यक्ष अवस्थीले बताए । प्रतिनिधि परिशद को बैठक गर्ने जिल्लाका ९ वटै पालिकाले साउन मसान्तसम्म बैठक गरि विधान सशोधनमाथि छलफल गरि सुझाव जिल्लामा पठाउने निर्देशनात्मक निर्णय सर्वसम्मत पारित गरेको छ ।

राजनैतिक, सागठिनक, आर्थिक प्रतिबेदन, पेश हुने र आगामी दिनको योजना निर्माण गर्ने, भाद्र १ गते भिमदतनगरमा एमाले महासचिव शंकर पोखरेलको प्रमुख आतिथ्यतामा सम्पन्न गर्ने निर्णय सर्बसम्मत पारित गरेको छ ।