दोधारा चाँदनीमा बाघको आक्रमणबाट एक महिलाको मृत्यु

दोधारा । बाघको आक्रमणबाट कञ्चनपुर दोधारा चाँदनीमा एक महिलाको मृत्यु भएको छ् । बिहीबार बिहान १० बजे तिर बाघको आक्रमणबाट दोधारा चाँदनी नगरपालिका– २, कमला शाही टोलकी अन्दाजी २३ बर्षिया हिरा शाहीको मृत्यु भएको हो । बिहानै धान गोड्ने क्रममा धान खेतको उखुवारीवारीबाट आएको बाघको आक्रमणबाट हिरा शाहीको मृत्यु भएको प्रहरीले जनाएको छ । दोधारा चाँदनी नगरपालिकाका नगर प्रमुख किशोर कुमार लिम्बुले बाघको आक्रमणबाट धान गोड्न गएकी महिलाको मृत्यु भएको बताउनुभएको छ् । बाघको आक्रमणबाट भएको घट्ना अत्यन्तै दुखद भएको नगर प्रमुख लिम्बुले बताउनुभएको छ् । नेपाल प्रहरी, सशस्त्र प्रहरी र नेपाली सेनाले बाघ भएको उखुवारी घेराबन्दी गरेर राखेको उहाँले भनाई रहेको छ् । ठुलो क्षेत्रमा रहेको उखुवारीमा ‘सर्च अप्रेशन’ संचालन गर्न नेपाल प्रहरी, सशस्त्र प्रहरी र नेपाली सेनाले तयारी गरेको सुरक्षा श्रोतले जनाएको छ् ।

शुक्लाफाँटा राष्ट्रिय निकुञ्ज कार्यालयबाट हात्ती समेत ल्याउने तयारीमा रहेको बताईएको छ् । समाचार तयारपारुञ्जेल अहिले पनि बाघ उखुबारीमै लुकेको छ् । स्थानीयले बाघ नियन्त्रण गरेर चिडियाखानामा राख्न माँग अघि सारेका छन् । दुई दिन अघि मात्रै बाघको आक्रमणमा परेर शुक्लाफाँटा नगरपालिका ५ खजुवाकी ३० बर्षिया महिला मानमती साँउद घाईते भएको दोस्रो दिन बाघले दोधारा चाँदनीमा आक्रमण गरेको छ् । तीन बर्षमा कञ्चनपुरमा बाघको आक्रमणबाट तीन महिलाले ज्यान गुमाएका छन ।

गत बर्ष ८ बैशाख ०८० मा उखुबारीमै घाँस काट्ने क्रममा बेलौरी नगरपालिका ८ पचुईकी ४० बर्षिया गंगा चन्दको मृत्यु भएको थियो । त्यसको अधिल्लो बर्ष १० चैत्र ०७९ मा पुनर्वास नगरपालिका १० विकास बस्तीकी ३५ बर्षिया कमला सार्कीको घाँस काट्ने क्रममा मृत्यु भएको हो ।