नयाँ खबर
महेन्द्रनगर – कञ्चनपुर जिल्ला कारागारमा रहेका कैदीबन्दीहरूको स्वास्थ्य अवस्थालाई मध्यनजर गर्दै निःशुल्क आँखा उपचार शिविर सञ्चालन गरिएको छ। शिविरमार्फत २ सय कैदीबन्दीको आँखा परीक्षण तथा उपचार गरिएको हो।
नेपाल नेत्रज्योति संघ गेटा, महेन्द्रनगर आँखा अस्पताल, पतञ्जली योग समिति तथा कारागार प्रशासनको संयुक्त आयोजनामा सञ्चालन गरिएको शिविरमा बरिष्ठ नेत्र अधिकृत बीरसिंह धामी नेतृत्वको टोलीले सेवा प्रदान गरेको छ ।
परीक्षणका क्रममा १ सय १३ जनालाई औषधि, ५६ जनालाई चस्मा वितरण गरिएको छ भने अन्यलाई आवश्यक परामर्श दिइएको छ। साथै, मोतियाबिन्दु देखिएका ६ जनालाई निःशुल्क शल्यक्रियाका लागि सिफारिस गरिएको छ।
कारागार प्रमुख हेमन्ती साउद ले कैदीबन्दीको स्वास्थ्य समस्यालाई ध्यानमा राख्दै पहिलो पटक यस्तो सेवा सञ्चालन गरिएको बताइन्।
कैदीबन्दीका अगुवा दानसिंह ठकुराठीका अनुसार शिविरले उपचार पहुँचमा सहजता ल्याएको छ।
विशेषज्ञहरूका अनुसार बन्द वातावरण, धुवाँ तथा सीमित स्वास्थ्य पहुँचका कारण कारागारभित्र आँखा सम्बन्धी समस्या बढी देखिने भएकाले यस्ता शिविर आवश्यक हुने बताइएको छ।
परशुराम मिडिया प्रालि.द्धारा सञ्चालित नयाँ खवर डटकमले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषण समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेषण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।
