लालझाडी गाउँपालिकाद्धारा आचार्य कृष्ण दमाई सहित तीन जना सम्मानित
महेन्द्रनगर – लालझाडी गाउँपालिकाले २१ औँ जातीय भेदभाव तथा छुवाछुत उन्मूलन राष्ट्रिय दिवसको अवसरमा आयोजित कार्यक्रममा तिन जनालाई सम्मान गरेको छ । जातीय भेदभाव तथा छुवाछुत प्रथा अन्त्य गरी समाजिक समानताका लागि योगदान पु¥याएको भन्दै आचार्य कृष्ण दमाई, पण्डित गणेश प्रसाद पन्त र पत्रकार लाल बहादुर एसकेलाई कदर पत्र सहित सम्मान गरेको हो ।
कार्यक्रममा सुदूरपश्चिम प्रदेशका आन्तरिक मामिला तथा कानुन मन्त्री हिरा सार्कीले तीनै जनालाई टिका लगाई खादा लगाएर सम्मान पत्र हस्तान्तरण गरे ।
कार्यक्रममा उनले संविधान र कानुनले छुवाछुतलाई दण्डनीय अपराध घोषणा गरिसकेको भए पनि समाजका विभिन्न तहमा अझै विभेदका घटना देखिनु दुःखद रहेको भन्दै जातीय भेदभाव अन्त्यका लागि सरकार, स्थानीय तह, नागरिक समाज, सञ्चारमाध्यम तथा आम नागरिकको साझा प्रतिबद्धता आवश्यक रहेको बताए ।
लालझाडी गाउँपालिका अध्यक्ष निर्मल रानाले समावेशी व...
