नयाँ खबर
महेन्द्रनगर– होली फेम्लि ईग्लिस मिडियम स्कूलको आयोजनामा संञ्चालित भीमदत्त अन्तर मावि स्तरीय टि–२० क्रिकेट प्रतियोगिता अन्तरगत सेमिफाईनल पुग्ने चार टोलीको टुङ्गो लागेको छ । बिहीबार सम्पन्न खेलबाट मर्निङ्ग ग्लोरी सेकेण्डरी र ईन्टरनेशनल पब्लिक स्कूल सेमिफाईन पुग्ने तेस्रो र चौथो टोली बनेका हुन् ।
आयोजक होली फेम्लि र शान्ति निकेतन मावि बुधबार नै सेमिफाईन प्रवेश गरीसकेका छन् । शुक्रबार हुने पहिलो सेमिफाईन खेलमा आयोजक भर्सेस मर्निङ्ग ग्लोरी र दोस्रो सेमिफाईन खेलमा शान्ति निकेतन मावि भर्सेस ईन्टरनेशनलविच प्रतिस्पर्धा हुने होली फेम्लिका असिस्टेन्ट म्यानेजर महादेव भट्टले जानकारी दिए । उनका अनुसार दुई खेलको विजेता टिम फाईनल प्रवेश गर्नेछ ।
विहिबार भएको पहिलो खेलमा मर्निङ्ग ग्लोरीले लिटिर स्टार पब्लिक एकेडेमिलाई ५ विकेटले पाखा लगाउदै सेमिफाईनलको यात्रा तय गरेको छ । लिटिल स्टार एकेडेमीले पहिले व्याटिङ्ग गर्दै १५.३ ओभरमा अलआउट हुदै ७३ रनको लक्ष्य दिएको हो । लिटिल स्टारका लागि सुरज धामी र शेखर भट्टले समान १६/१६ रनको योगदान दिए । त्यसैगरी मर्निङ्ग ग्लोरीका निशान्त भट्टले चार ओभर बलिङ्ग गर्दै १५ रन खर्चेर ३ विकेट लिन सफल भए ।
७४ रनको लक्ष्य पछ्याएको मर्निङ्ग ग्लोरीले ५.३ ओभरमा ५ विकेटको क्षतिमा भेट्टाएको हो । ७ बलको सामना गरेका निर्मल पालले मर्निङ्ग ग्लोरीका लागि ३ चौका र एक छक्काको मदतमा २० रनको योगदान दिए । लिटिल स्टारका कपिल नाथ र सुरज धामीले समान २/२ विकेट लिए । मर्निङ्ग ग्लोरीका निर्मल पाल प्लेयर अफ दी म्याच घोषित भए ।
त्यसैगरी विहिबारको दिउसो सम्पन्न भएको दोस्रो क्वाटर फाइनल खेलमा ईन्टरनेशनलले लिटिल बुद्ध एकेडेमिलाई ४९ रनअन्तरले पराजित गरेको छ । टस जितेर व्याटिङ्ग गरेको ईन्टरनेशनल पब्लिक एकेडेमिले १९ ओभरमा सबै विकेट गुमाउदै ११७ रनको स्कोर खडा ग¥यो । २७ रनको सामना गरेका आकाश चन्दले ४५ रन, २३ बलको सामना गरेका अंकित चन्दले ईन्टरनेशनलका लागि २२ रनको योगदान दिए । लिटिल बुद्धका श्याम भट्ट ३, योगेश खत्री, कुनाल बिष्ट र आर्यन विष्टले समान २÷२ विकेट लिए ।
जवाफमा व्यरिङ्ग मा उत्रिएको लिटिल बुद्ध एकेडेमी १४.४ ओभरमा अलआउट हुदै ६८ रनमा प्याक भएको हो । लिटिल बुद्ध एकेडेमीका लागी कुनाल बिष्ट, र योगेश खत्रीले क्रमशः २४ र १४ रन बनाए । बलिङ्गतर्फ ईन्टरनेशनलका प्रिन्सि भण्डारीले ३.४ ओभर बलिङ्ग गर्दै मात्र ३ रन खर्चेर ६ विकेट लिन सफल ईन्टरनेशनलका प्रिन्सि भण्डारी प्लेयर अफ दि म्याच घोषित भए ।
प्रतियोगिताको विजेता टीमले नगद ५१ हजार १ सय ११ रुपयाँ सहित ट्रफि प्राप्त गर्नेछ । उपविजेता टीमले नगद ३१ हजार १ सय ११ रुपयाँ सहित ट्रफि मेडल र प्रमाण पत्र प्राप्त गर्नेछ ।
त्यसैगरी म्यान अफ द म्याच घोषणा हुने खेलाडीलाई एक हजार ५ सय , बेष्ट बलर, बेष्ट व्याट्सम्यानलाई जनही २ हजार ५ सय, र म्यान अफ द सिरिज लाई ३ हजार तथा उदयीमान खेलाडी लाई १ हजार ५ सय रुपयाँ सहित ट्रफि, मेडल प्रदान गरीनेछ । जेठ १६ गते शनिबारदेखि संञ्चालन भएको प्रतियोगिता जेठ २३ गते शनिबार समापन गरीने आयोजकले जनाएको छ । प्रतियोगितामा भीमदत्त नगरपालिकाका भित्रका १८ माध्यमिक विद्यालय सहभागि भएका छन् ।
परशुराम मिडिया प्रालि.द्धारा सञ्चालित नयाँ खवर डटकमले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषण समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेषण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।
