नयाँ खबर
महेन्द्रनगर – एसईई परिक्षामा चार जिपिए ल्याई उत्तीर्ण भएकी समृद्धी ऐरीलाई सम्मान गरीएको छ । बिहिबार भीमदत्त नगरपालिका १८ कटानस्थित रेडियन्ट माध्यमिक विद्यालयले २०८२ को एसईईमा चार जिपिए ल्याएकी समृद्धि ऐरी लाई अविर टिका, खादासहित सम्मान गरेको हो । कक्षा ११÷१२ मा साईन्स विषय अध्ययनका लागि समृद्धी बुवा खेमराजका साथ रेडियण्ट स्कूल पुगि भर्ना भएकि छन् ।
ऐरीलाई विद्यालयका प्रिन्सिपल त्रिभुवन कुमार भट्टले टिका लगाएर खादा लगाए । रेडियण्टमा एसईई टपर ऐरी भर्ना हुनु विद्यालयका लागि खुसीको कुरा भएको उनले बताए ।
विद्यालयले ऐरीसंगै उनका बुवा खेमराजलाई पनि खादा लगाएर सम्मान गरेको छ । भीमदत्त नगरपालिका १५ गोबरैयाकी ऐरी युननाइटेडबाट एसईई उत्तीर्ण गरेकी हुन् । उनले जीव विज्ञान(बायोलोजी) पढेर भविष्यमा चिकित्सक बन्ने चाहना राखेकी छन् ।
गुणस्तरीय शिक्षा प्रदान गर्दै आएको रेयिडन्टमा बिहीबार विहानसम्म ४ सय ५० बढी विद्यार्थी भर्ना भएका छन् । विद्यालयले यस वर्ष ६ सय विद्यार्थीलाई मात्रै भर्ना गर्ने जानकारी दिएको छ । यस विद्यालयबाट गत बर्षमात्रै प्लट टु पास गरेका १७ जना विद्यार्थी पूर्ण छात्रबृत्तिमा नाम निकालेर एमविविएस अध्ययन गर्दैछन भने ४३ जना ईञ्जिनियरिङ्ग अध्ययन गरीरहेका छन् ।
परशुराम मिडिया प्रालि.द्धारा सञ्चालित नयाँ खवर डटकमले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषण समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेषण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।
