महेन्द्रनगर खुलामञ्चमा मनोरञ्जन तथा साँस्कृतिक मिनी मेला सुरु

महेन्द्रनगर – कञ्चनपुरको महेन्द्रनगर खुला मञ्चमा मनोरञ्जन तथा साँस्कृतिक मिनी मेला सुरु भएको छ । जिल्लाको भीमदत्त नगरपालिका ४ महेन्द्रनगर खुला मञ्चमा शुक्रबारदेखि ‘पर्यटन, संस्कृति खेल र व्यापार सुदूरपश्चिमको आधार’ भन्ने मुल नाराका साथ सुदूरपश्चिम समावेसी अपाङ्गता संघको आयोजनामा मनोरञ्जन तथा साँस्कृतिक मिनी मेला सुरु भएको हो ।
मेलाको समुद्धघाटन भीमदत्त नगरपालिका वडा नं. ४ का वडा अध्यक्ष सुशिल भट्टले रिवन काटेर गरेका छन् । कार्यक्रमको प्रमुख अतिथि रहेका उनले मेलाको उद्धघाटन सत्रमा बाल्दै मेलाले व्यवसायीक क्षेत्रलाई टेवा पुग्ने बताए । ‘यसमा हामी सबैले सक्दो सहयोग गर्नेछौ,’ वडा अध्यक्ष भट्टले भने, ‘मेलाले भीमदत्त नगरपालिकामा व्यवसायीक क्षेत्रलाई टेवा पुग्ने अपेक्षा गरेका छौ, त्यस कारण पनि सबैले मेलाको अवलोकन गर्नुहोला ।’
सुदूरपश्चिम समावेसी अपाङ्गता संघका अध्यक्ष उपेन्द्र खडायतले सूदूरपश्चिमको कला, संस्कृति सरक्षणका लागि आयोजना गरिएको मेलामा विद्यार्थीहरुलाई रु ५० र सर्वसाधारणतर्फ रु १०० को टिकटको व्यवस्था गरीनुका साथै मेला भित्र रहेका मनोरन्जनात्मक बाल उद्यान लगायतमा पनि विद्यार्थीलाई ५० र सर्वसाधारणका लागि १०० रुपया टिकटको मुल्य तोकिएको बताए ।
उद्धघाटनको दिन मेलामा विनोद परिवारले प्रस्तुति राखेका थिए । मेलाको दोस्रो दिन बहुचर्चित डेउडा गायिका ईब्सल सञ्ज्याल को बेजोड प्रस्तुतिका साथै नाम चलेकी बेली डान्सर रोसनीको प्रस्तुती रहेको आयोजकले जानकारी दिएको छ । मेलाका साँस्कृतिक संयोजक करन पालले स्थानीय एव राष्ट्रिय कलाकारको बेजोड प्रस्तुति रहने बताएका छन् ।

कलाकारहरु एलिना चौहान, ज्योती मगर, प्रिती आले,टंक तिमिल्सेना, जिबब, चक्र बम, वद्री प्रगेनी, रामजी खाण, खुमन अधिकारी, टिका पुना, रमेशराज भट्टराई, लालबहादुर धामी अछामी बड्डोलगायतका कालकारहरुको बेजोड प्रस्तुती रहने आयोजकले जनाएको छ । स्थनीय खानाका स्टलसंगै थारु खानाका परिकार ढिक्री, चिचर, घोंघी, पकुवा र अन्य परिकारहरूको स्वाद लिन पाईने संयोजक खड्काले बताए ।
मेलामा विभिन्न व्यवसायीक बस्तु तथा सेवाका २५ भन्दा बढि स्टल ररहेका छन् । प्रति एक टिकेट बिक्रि बाफत नेपाल पत्रकार महासंघ शाखा कञ्चनपुरलाई अक्षष कोष बनाउन २रुपैया, अपाङ्गताको हित सरक्षणका लागि २ रुपैया छुट्याईनुका साथै क्रिकेटको बृद्धि विकासका लागि क्रिकेट संघलाई नै पार्किङ्ग जिम्मा दिई सो बाफतको रकम क्रिकेट संघलाई नै दिईने संयोजक खडायतले बताए । मेलाको पुर्ण म्यानेजमेन्टको जिम्मेवारी भावना एम्युजमेन्ट प्रालिलाई दिईएको छ । मेला २९साउन सम्म सञ्चालन हुनेछ ।

सुदूरपश्चिम समावेसी अपाङ्गता संघको आयोजना, भावना एम्युजमेन्ट प्रालिको व्यवस्थापिक र भीमदत्त नगरपालिका स्थानीय सरकारको सरक्षकत्वमा साँस्कृतिक मेला भईरहेको छ । उज्यालो बत्तिले सजिएको, रमाइलो स्टलहरू र परम्परागत प्रस्तुतिले भरिएको महेन्द्रनगरको रात्रिकालीन महोत्सवमा एक फरक अनुभव गर्न सकिने आयोजकले जनाएको छ ।