नयाँ खबर
महेन्द्रनगर–शारिरीक मानसिक तथा अध्यात्मीक विकासका लागि हरेक मानवलाई आवश्यक योग प्रति दिन प्रतिदिन आकर्षक भईरहेको अवस्थामा भीमदत्तनगर नगरकार्यपालिका र कञ्चनपुर उद्योग बाणिज्य संघको सहयोगमा पंतञ्जलि योग समिति कञ्चनपुरले सात दिने निः शुल्क योग विज्ञान शिविरको विधिवत रुपमा समुद्घाटन गरेको छ ।
महिला पंतञ्जलि योग समिति अध्यक्ष कमला पाण्डेयको सभापतित्व तथा पंतञ्जलि नेपालका केन्द्रिय सदस्य योग गुरु लबराज भट्टको प्रमुख आतिथ्यतमा एवं पंतञ्जलि योग समितिका अध्यक्ष दयाकृष्ण जोशीको विशिष्ट आतिथ्यतामा सम्पन्न समुद्घाटन कार्यक्रम महिला उपाध्यक्ष भावना के.सी.ले संचालन गर्नु भएको थियो ।
सात दिन सम्म आयोजना हुने नि:शल्क योग विज्ञान शिविरमा मोटापन, मधुमेह, थाईराईट, कम्मर दुखेको, उच्च रक्तचाप, लागायतका विमारिहरुका लागि विशेष योग अध्यास गराई कुरा संगठन सचिव पवन पनेरुले बताउनु भएको छ ।
कार्यक्रममा भीमदत्तनगरपालिका क्षेत्रका विभिन्न व्यक्तिहरुको सहभागिता रहेको छ भने सात दिन सम्म संचालनहुने शिविरमा प्रशिक्षण विभाग प्रमुख केशब राज पन्त, उपाध्यक्ष धन सिंह बडाल, हरी रावल, कोषाध्यक्ष शमसेर बहादुर चन्द , भीमदत्त नगरपालिकामा उपलव्ध अन्य प्रशिक्षणहरुले प्रशिक्षण गर्ने कार्यक्रम रहेको कुरा मिडिया प्रभारी प्रेम सिंह ऐर बताएको छ ।
भीमदत्तनगर नगरकार्यपालिकाको कार्यालय तथा कञ्चनपुर उद्योग बाणिज्य संघको सहयोगमा संचालन भईरहेको योग विज्ञान शिविरमा पंतञ्जलि योग समिति, महिला पंतञ्जलि योग समिति, युवा नेपाल समितिमा आवद्ध योग साधकहरुको उल्लेख्य उपस्थिति रहेको थियो ।
परशुराम मिडिया प्रालि.द्धारा सञ्चालित नयाँ खवर डटकमले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषण समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेषण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।
