महेन्द्रनगर–सुुदूरपश्चिम विश्वविद्यालयको गत आर्थिक बर्ष ०८०/०८१ मा १७ करोड, १६ लाख, २१ हजार रकम बेरुजु देखिएको छ । केही समय अघि महालेखाले राष्ट्रपतिलाई बुझाएको प्रतिवेदन अनुरुप सुप विश्वविद्यालयको गत आर्थिक बर्षमा उक्त बेरुजु देखिएको हो ।
महालेखाको प्रतिवेदन अनुसार ५७ लाख, ५६ हजार रुपैया अशुल्नुपर्ने र १४ करोड, ६८ लाख, ३७ हजार नियमित बेरुजु देखिएको छ । सुप विश्वविद्यालयले विभिन्न योजनाको भुक्तानी कागजात बिनै पनि गरेकोे देखिएको महालेखाको प्रतिवेदनले स्पष्ट पारेको छ । विश्वविद्यालयले २ करोड ४७ लाख, ८४ हजार रुपैया बिना कागज भुक्तानी गरिएको र ७ लाख, ८३ हजार रुपैया बराबर पेश्की भुक्तानी गरेको पाईएको छ । विना कागजात भुक्तानी दिनुमा विश्वविद्यालयका कर्मचारीमाथि नैतिक प्रश्न चिन्ह उठेको छ । कहिकतै विश्वविद्यालयका कर्मचारीको मिलोमतोमा विना भुक्तानी दिने कार्य भएको हुनसक्ने चर्चा बजारमा व्यपक छ । यसरी शिक्षा जस्तो क्षेत्रमा ठुलो रकम बेरुजु देखिएपछि विश्वविद्यालयको क्षमता र सुशासन, आर्थिक पारदर्शीतामा प्रश्न चिन्ह खडा भएको छ । का
सुदूरपश्चिम विश्वविद्यालय स्रोतले प्राविधिक त्रुटी, कुनै योजनाकोे कागजात हराएको हुनसक्ने, अनि कुनै कर्मचारी, प्राध्यापकले रकम लिएर काम नगरेको हुनसक्ने हुँदा बेजुरी रकम बढेको, तिर्नुपर्नेदेखि बिना कागजातको समस्या आएको जनाएको छ ।
परशुराम मिडिया प्रालि.द्धारा सञ्चालित नयाँ खवर डटकमले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषण समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेषण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।
