महेन्द्रनगरको सब्जीमण्डीमा विक्रिका लागि ल्याईएका दुई जना कृषकको काक्रा खान अयोग्य, भेटियो ५४ प्रतिशत विषादी

महेन्द्रनगर–कञ्चनपुर जिल्लाको मुख्य बजार महेन्द्रनगरको सब्जीमण्डीमा विक्रिका लागि ल्याईएको दुई जना कृषकको काक्रा खान अयोग्य रहेको पाईएको छ । जिल्लाको भीमदत्त नगरपालिका वडा नं. ४ स्थीत रहेको सब्जीमण्डीमा मंगलबार बिक्रिकालागि ल्याईएका काक्रामध्ये पाच ओटा नमुना जाँच गरीएकोमा दुई जना कृषकको फर्मबाट लिईएको काक्रामा अत्याधिक विषादी प्रयोग गरीएको पाईएको हो । विषादी अवशेष द्रुत विश्लेषण प्रयोगशाला एकाई अत्तरिया, कैलालीको सहयोग र कृषि ज्ञान केन्द्र कञ्चनपुरको समन्वयमा सब्जीमण्डीमा विक्रिका लागि ल्याईएका तरकारी तथा फलफूलका १८ नमुना परीक्षण गरीएकोमा पाँच ओटा नमुना काक्राको रहेको र जसमध्ये दुई जना कृषकले उत्पादन गरेका काक्रामा अत्याधिक विषादीको मात्रा पाईएको कृषि ज्ञान केन्द्र कञ्चनपुरका प्रमुख गोविन्द सिजापतीले बताउनुभयो ।
विषादीको रोकावट ३५ प्रतिशत भन्दा कम छ भने उपयोग योग्य, ३५ देखिमाथि ४५ प्रतिशतसम्म छ भने केहि दिन राख्ने अनि पर्खिने र ४५ प्रतिशत भन्दा माथि छ भने सिधै विसर्जन गर्ने विषादी अवशेष द्रुत विश्लेषण प्रयोगशाला एकाई अत्तरियाले जनाएको छ ।

उनका अनुसार विभिन्न किसानले बारीबाट ल्याएका काँक्रो, काउली, भन्टा, भिडी, लौका, करेला, तरबूजा, रायो, सिमी, आलु लगायत १८ किसिमका बालीको नमूना लिएर परीक्षण गरिएको थियो । काँक्राका २ नमूनामा ५३ देखि ५४ प्रतिशतसम्म अर्गानोफस्फेट नामक विषादी रहेको पाईएकाले ति काक्रा उपभोग गर्न योग्य नभएको कृषि ज्ञान केन्द्र कञ्चनपुरका प्रमुख सिजापतीले बताउनुभयो । विषादी भेटिएका किसानका तत्काल बिक्रीका लागि नल्याउन भनिएको उहाँले बताउनुभयो । बारीमा विषादीको परीक्षण समेत गरीने कार्यालय प्रमुख विष्टले बताउनुभयो ।

महेन्द्रनगर बाहेक अन्य क्षेत्रका विभिन्न प्रकारका तरकारी तथा फलफूलमा पनि विषादी हुनसक्ने आशंका गरीएको तर नियमित जाँचका लागि ल्याव तथा उपकरणको अभाव रहेको छ । परीक्षणबिना तरकारी तथा फलफूल उपभोग गर्दा मानव स्वास्थ्यमा गम्भीर असर पु¥याउनुका साथै विभिन्न प्रकारका क्यान्सर लाग्ने गर्दछ ।