१
Advertisement
नयाँ खबर
महेन्द्रनगर–कैलालीको एक मन्दिर परिसरमा एक युवकको शव फेला परेको छ । गोदावरी नगरपालिका–९ को दुर्गा मन्दिर पछाडि आज बिहान युवकको शव भेटिएको जिल्ला प्रहरी कार्यालय प्रवक्ता प्रहरी नायब उपरीक्षक(डीएसपी) कबिन्द्र सिंह बोहराले जानकारी दिए । शवको प्रकृतिहेर्दा हत्या गरीएको जस्तो रहको डिएसपि बोहराले बताउनुभयो । उनका अनुसार मृतकको नाम, थर र वतन खुलेको छैन । उनको उमेर अन्दाजी ३५÷३६ वर्षको छ । प्रहरीले घटनास्थल सुरक्षित गरेर अनुसन्धान गरिरहेको छ । अनुसन्धानका लागि तालिम प्राप्त कुकुरको समेत प्रयोग गरिएको छ । उनका अनुसार शवलाई पोस्टमार्टमका लागि सेती प्रादेशिक अस्पताल पठाएको छ ।
मन्दिरका पुजारी टिका दत्त पनेरुले बिहान साढे ६ बजेतिर शवबारे जानकारी पाएको बताए । ‘म मन्दिर साँझ साढे ७ बजे बन्द गरेर गइसकेको थिएँ,’ उनले भने, ‘बिहान फर्किएपछि पतञ्जलि योग समितिका सदस्यहरूले शव भएको बताएपछि मात्र थाहा पाएको हुँ।’
मन्दिरमा चारवटा प्रवेशद्वार रहेको र मुख्य गेटमा ताला लगाइएको भए पनि अन्य गेटहरूबाट सहजै प्रवेश गर्न सकिने पुजारी पनेरुले जानकारी दिए ।घटना इलाका प्रहरी कार्यालयको ठीक अगाडि रहेको मन्दिरमा भएको भए पनि प्रहरीले विहानमात्रै जानकारी पाएको हो । अहिले स्थानीयवासी आक्रोशित बनेका छन् ।
परशुराम मिडिया प्रालि.द्धारा सञ्चालित नयाँ खवर डटकमले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषण समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेषण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।
