नयाँ खबर
महेन्द्रनगर–सुदूरपश्चिम विश्वविद्यालय केन्द्रीय क्याम्पसमा नेकपा(एमाले) सम्बद्ध अनेरास्ववियु को ईकाई कमिटि अध्यध्यमा खगेन्द्र रोकाया सर्वसम्मत निर्वाचित भएका छन् । रोकायाको अध्यक्षतामा ३५ सदस्यीय क्याम्पस कमिटी गठन गरिएको हो । कमिटी उपाध्यक्षमा हरिश भट्ट, सचिव पवन धामी र सह सचिव उमेश जोशी, अनिल साउँद, पुष्पा बिष्ट हेमन्ती जोशी, तर्कराज शर्मा चयन भएका छन् ।
कमिटीे कोषाध्यक्षको जिम्मेवारी कवि सिंह साउदले पाएका छन् । अखिलले खेमराम बडुलाई संगठन विभाग प्रमुख बनाएको छ । अखिलका केन्द्रीय उपाध्यक्ष मर्यादा विष्टले कमिटीका पदाधिकारी र सदस्यलाई पद तथा गोपनियताको शपथ खुवाइन् । विष्टको प्रमुख आतिथ्यमा अखिलको सम्मेलनबाट नयाँ कमिटी चयन गरिएको हो ।
शपथ ग्रहणपछि अध्यक्ष रोकायाले विद्यार्थी अधिकार शैक्षिक सुधार र संस्थागत विकासलाई प्राथमिकता दिएर आफू अघि बढ्ने बताए ।
विद्यार्थीका शैक्षिक हितका मुद्दाहरु आफ्नो पहिलो प्राथमिकता पर्ने उल्लेख गर्दै उनले विश्वविद्यालय प्रशासनसँग सहकार्य गरी विश्वविद्यालयको शैक्षिक गुणस्तर अभिवृद्धिमा सहयोग गर्ने प्रतिबद्धता व्यक्त गरेका छन् ।
सुदूरपश्चिम विश्विद्यालय केन्द्रीय क्याम्पसमा चैत २७ गते स्ववियू निर्वाचन हुँदैछ । निर्वाचनका लागि विद्यार्थी संगठनले संगठन दर्ता गरि सकेका छन् । अनेरास्ववियुले स्ववियू निर्वाचन प्रक्रिया थालिएपछि रोकायालाई अध्यक्षको जिम्मेवारी दिइएको छ ।
परशुराम मिडिया प्रालि.द्धारा सञ्चालित नयाँ खवर डटकमले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषण समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेषण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।
