प्रेस चौतारी नेपाल कञ्चनपुर शाखाद्धारा २७ औं स्थापना दिवसको अवसरमा अनाथालयमा फलफुल, खाद्यान्न तथा शैक्षिक सामाग्रि वितरण

महेन्द्रनगर–प्रेस चौतारी नेपाल कञ्चनपुर शाखाले २७ औं स्थापना दिवसको अवसरमा समाज कल्याण अञ्चल बाल अनाथालयमा फलफुल, खाद्यान्न र शैक्षिक सामाग्रि वितरण गरेको हो । मंगलबार आफ्नो २७ औं स्थापना दिवसको अवसरमा प्रेसचौतारी नेपाल कञ्चनपुर शाखाले एक औपचारीक कार्यक्रमको आयोजना गरी भीमदत्त नगरपालिका ४ स्थित समाज कल्याण अञ्चल बाल अनाथालयमा फलफुल, खाद्यान्न र शैक्षिक सामाग्री वितरण गरेका हो ।

कार्यक्रममा प्रमुख अतिथी नेकपमा एमाले पालिटव्यूरो सदस्य एवं सुदूरपश्चिम प्रदेशका पुर्व मुख्य मन्त्री राजेन्द्र सिह रावल रहेका थिए भने प्रेस चौतारी नेपाल कञ्चनपुकरा शाखा प्रमुख लक्ष्मण पन्तको सभापतित्व रहेको थियो । त्यसैगरी उक्त कार्याक्रममा चौतारी कार्य समिति पदाधिकारी, सदस्य तथा विभिन्न मिडियामा कार्यरत पत्रकारहरुको उपस्थिति रहेको थियो ।

नेकपा एमाले पोलिटव्युरो सदस्य एवं सुदूरपश्चिम प्रदेशका पुर्व मुख्यमन्त्री राजेन्द्र रावलले प्रेसचौतारी नेपालको २७औ स्थापना दिवसको शुभकामना मन्तव्य दिदै समाजको हितमा भ्रष्टाचारको विरुद्ध र समाजबाद स्थापनाको लागि कलम चलाउन पत्रकारहरुलाई आग्रह गर्नुभयो । प्रेसचौतारी नेपाल कलम चलाउनमा मात्र अग्रसर नभएर सामाजिक कार्य गर्नमा पनि अग्रसर रहेको भन्दै पुर्व मुख्यमन्त्री रावलले प्रेस चौतारी नेपाललाई धन्यबाद समेत ज्ञापन गर्नुभयो ।

कार्यक्रम सञ्चालन प्रेस चौतारी नेपाल कञ्चनपुर शाखाका सचिव मदन गिरीले गरेका थिए ।