दोधारा चाँदनीमा बालबालिकाको अपांगताको प्रारम्भिक पहिचान सम्बन्धी क्षमता बिकास तालिम

दोधारा । कञ्चनपुरको दोधारा चाँदनी नगरपालिकामा बालबालिकाको अपांगताको प्रारम्भिक पहिचान सम्बन्धी क्षमता बिकास तालिम सुरु गरिएको छ् । शिक्षा युवा तथा खेलकुद शाखा दोधारा चाँदनीको आयोजनामा दोधारा चाँदनी नगरपालिका क्षेत्रमा रहेका २२ वटा सामुदायिक र २० वटा संस्थागत बिद्यालयका प्रधानध्यापकहरुलाई बालबालिकाको अपांगताको प्रारम्भिक पहिचान सम्बन्धी क्षमता बिकास तालिम सुरु गरिएको दोधारा चाँदनी नगरपालिका कार्यालय शिक्षा युवा तथा खेलकुद शाखाका शाखा प्रमुख हरिदत्त जोशीले जानकारी दिनुभएको छ् । आज एक कार्यक्रमको बिच दोधारा चाँदनी नगरपालिकाका नगर प्रमुख किशोर कुमार लिम्बुले तालिमको समउद्धघाटन गर्नुभएको छ् । बालबिकास देखि कक्षा ३ सम्मका बिद्यार्थीहरुको अपांगताको प्रारम्भिक पहिचान सम्बन्धी बिद्यालयहरुलाई क्षमता बिकास तालिम सुरु गरिएको शाखा प्रमुख हरिदत्त जोशीले बताउनुभयो ।

अपांगताको प्रकृति र व्यक्तिगत क्षमता पहिल्याएर त्यसैअनुसार बिद्यार्थीहरुको शैक्षिक योजना बनाउन सहजताको लागी प्रत्येक बिद्यालयमा बालबालिकाको अपांगताको प्रारम्भिक पहिचान सुरु गर्न लागिएको शाखा प्रमुख हरिदत्त जोशीले बताउनुभएको छ् । आईतवार बिद्यालयका प्रधानध्यापक र भोली अर्थात सोमवार प्रत्येक बिद्यालयका एक–एक जना शिक्षकलाई बालबालिकाको अपांगताको प्रारम्भिक पहिचान सम्बन्धी क्षमता बिकास तालिम सुरु गरिएको उहाँले बताउनुभएको छ् । बालबालिकाको अपांगताको प्रारम्भिक पहिचानले शिक्षामा गुणस्तर सुधार ल्याउनेमा ठुलो सहयोग मिल्ने दोधारा चाँदनी नगरपालिका– ८ का वडाध्यक्ष ओंमप्रकाश रोकायाले बताउनुभएको छ् ।

अपांगताको पहिचान पश्चात उनिहरुलाई कुन प्रकारको सहयोग आवश्यक हुन्छ सोही अनुसार सहयोग गर्ने बिषयले शिक्षा सिकाईलाई सवल र सहयोग गर्ने निती रहेको वडाध्यक्ष ओंमप्रकाश रोकायाले बताउनुभयो । अपांगता दश किसिममा वर्गीकरण गरिएका छन् ।

यिनहरुमा शारीरिक अपांगता, दृष्टि सम्बन्धी, सुनाई सम्बन्धी, श्रवण दृष्टिविहीन, स्वर र बोलाई सम्बन्धी, मानसिक वा मनोसामाजिक, बौद्धिक, आनुवंशिक रक्तस्राव (हेमोफिलिया) सम्बन्धी, अटिजम र बहुअपांगता रहेका छन् ।