कञ्चनपुर –कञ्चनपुरमा महिला माथि आक्रमण गर्ने बाघ बिहीबार नियन्त्रण लिन नसकेपछि शुक्रवार पुनः खोजी कार्य सुरु गरिएको छ । बिहीबार रात परेकाले खोजी गर्न समस्या आएपछि शुक्रवार बिहानै देखि खोजी कार्य सुरु गरिएको हो ।
बिहीबार बिहान १० दोधारा चाँदनी नगरपालिका –२ मा बाघको आक्रमणमा परी सोही ठाउँकी २३ वर्षीय हिरा शाहको मृत्यु भएको थियो । धान खेतमा काम गरिरहेकी उनको शव नजिकैको उखुबारीमा फेला परेको थियो ।
बुधवार साँझ देखि सो ठाउँमा देखिरहेको नरभक्षी बाघ नियन्त्रणमा आउन सकिएको छैन। महिलाको शव फेला परेपछि बर्दिया राष्ट्रिय निकुञ्जबाट आएको प्राविधिक डार्ट टोली र शुक्लाफाँटा राष्ट्रिय निकुञ्जबाट आएको ४ हात्ती सहितको टोलीले खोजी सुरु गरेको थियो।
बर्दियाको प्राविधिक टोलीले बिहीबार साँझ ४ बजेपछि खोजी कार्य सुरु गरिएको थियो । ३ घण्टा लगातार प्राविधिक टोलीले खोजो गर्दा बाघ नियन्त्रणमा आएन । नियन्त्रणमा नआएपछि रात परेकाले खोजी कार्य रोकिएको थियो । रात भरी उक्त क्षेत्रमा निकुञ्ज टोली सहित सुरक्षाकर्मीहरूले रात भरी पहरा दिएका थिए ।
महिला माथि आक्रमण गर्ने उक्त बाघलाई सोही ठाउँबाट अन्त जान नदिन सो ठाउको उखुबारीमा पाडो राखेका थिए । पाडो पनि हिजो राती बाघले मारेको स्थानीयले बताएका छन ।
परशुराम मिडिया प्रालि.द्धारा सञ्चालित नयाँ खवर डटकमले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषण समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेषण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।
