बाघलाई नियन्त्रण गर्ने प्रयास असफल, भोली फेरि ‘सर्च अपरेशन’ चलाउने

दोधारा । कञ्चनपुरको दोधारा चाँदनी नगरपालिका–२ मा एक महिला माथि आक्रमण गरि ज्यान लिने बाघलाई राती परेकाले नियन्त्रणमा ल्याउन सकिएको छैन् । आज बिहान बाघको आक्रमणमा परि २३ वर्षीय हिरा शाहीको मृत्यु भएको थियो । धान गोड्दै गरेका हिरा शाही माथी बाघले आक्रमण गरेर उखुबारीमा लगेको थियो । बिहानै देखि घेरा हाली राखेको बाघलाई नियन्त्रणका लागि बर्दिया राष्ट्रिय निकुञ्जबाट प्राविधिक डार्क टोली र शुक्लाफााटा राष्ट्रिय निकुञ्जबाट खटिएको ४ वटा हात्ती सहितको टोलीले राती परेका कारण बाघ नियन्त्रणा ल्याउन नसकिएको जनाएका छन् । लगातार बाघ नियन्त्रण ल्याउन प्रयास गरे पनि टोली आज असफल भएको छ् ।

रातको समयमा खोजी कार्यमा समस्या हुने भएकाले भोली बिहानबाट खोजी कार्य गर्ने या अहिले थप कसरी अघि बढ्ने विषयमा छलफल हुन बाँकी रहेको निकुञ्जले जनाएको छ । बाघ नियन्त्रणमा नआएपछि स्थानीयहरु झन त्रसित बनेका छन् ।

बाघको आक्रमणमा परि मृत्यु भएका हिरा शाहीको परिवारजनलाई दोधारा चाँदनी नगरपालिकाले रु. ५० हजार उपलब्ध गराउने घोषणा गरेको दोधारा चाँदनी नगरपालिकाका मेयर किशोर कुमार लिम्बुले बताउनुभएको छ् ।