१
Advertisement
नयाँ खबर
महेन्द्रनगर – भीमदत्त नगरपालिका–१० जिमुवास्थित होलीफेम्ली इङ्लिस मिडियम स्कुलको आयोजना तथा भीमदत्त नगरपालिकाको सह आयोजनामा शनिबारदेखि सुरु भएको अन्तर माध्यमिक विद्यालयस्तरीय टी–२० क्रिकेट प्रतियोगितामा सनराइज पब्लिक स्कूल र लिटिल स्टार विजयी भएका छन् ।
शनिबार बिहान भएको खेलमा सनराइजले महाकाली मोडर्न लाई २० रनले पराजित गर्दा विजयी सुरुवात गरेको छ । टस हारेर ब्याटिङको निम्तो पाएको सनराइजले निर्धारित २० ओभर खेल्दै ८ विकेटको क्षतिमा १ स ५२ रन बनाएको हो । सनराइजका ब्याट्सम्यान आश्वन भट्टले नट आउट ९२ रन बनाएका थिए ।
वलिङ तर्फ महाकाली मोडर्नका विवेक साउदले सर्वाधिक २ विकेट लिए ।
१ सय ५३ रनको लक्ष सहित जवाफी ब्याटिङ गरेको महाकाली मोडर्न १५ दशमलव १ ओभरमा अल आउट हुदै १ स ३२ रनमा समेटिएको हो । महाकाली मोडर्नका आकर्ष भट्टले १५ बलमा ३४ रन बनाउन सफल भए । वालिङ तर्फ सनराइजका राजेन्द्र गिरिलो ४ विकेट र अपिल के.सी ले समान ४/४ विकेट लिएका थिए ।
दिउँसो ३ बजे भएको खेलमा लिटिल स्टारले ज्ञानोदय ३६ रनले पराजित गरेको हो । टस जितेर ब्याटिङ रोजेको लिटिल स्टारले ९ ओभर मा अल आउट हुदै ७१ रन बनाएको हो । शिखर चन्दले लिटिल स्तारकालागी १८ बल खेल्दै २२ रन जोडेका थिए ।
वालिङ तर्फ ज्ञानोदय का विशाल बोहोराले ५ विकेट लिएका थिए ।
७२ रनको लक्ष पक्षाएको ज्ञानोदय ६ दशमलव ४ ओभरमा अल आउट हुदै ३५ रनमा प्याक भएको हो । ज्ञानोदय आस्विन भट्टले १० बल खेल्दै ११ रन बनाएका छन् ।
बलिङ तर्फ लिटिल स्टारका कपिल नाथले ६ विकेट लिएका छन् ।
म्यान अफ दि म्यान लिटिल स्टारका कपिल नाथ घोषणा भएका छन् ।
होली फेमली स्कुलले भीमदत्त नगरपालिकाको प्रायोजनमा सुरु प्रतियोगितामा १८ टीमले भाग लिएका छ्न ।
भीमदत्तको सामाजिक बिकास समितिका संयोजक सुशिल कुमार भट्टले प्रतियोगिता उद्घाटन गरे । कार्यक्रमका प्रमुख अतिथि भट्टले ब्याटिङ्ग र र बिशिस्ट अतिथि भीमदत्तको शिक्षा शाखा प्रमुख हरिदत्त जोशीले बलिङ्ग गरे ।
बिधालयका एसिस्टेन्ट मेनेजर महादेब प्रसाद भट्टले कार्यक्रमको अध्यक्षता गरे । कार्यक्रममा कंचनपुर जिल्ला क्रीकेट संघका अध्यक्ष बिरेन्द्र चन्द, लिटिल स्टार पब्लिक स्कुलका संस्थापक शमरजङ्ग बहादुर चन्द लगायतले मन्तव्य राखे ।
बिधालयका सहायक प्रधानाध्यापक हरिश सिंह ठगुन्नाले कार्यक्रम संचालन गरे ।
परशुराम मिडिया प्रालि.द्धारा सञ्चालित नयाँ खवर डटकमले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषण समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेषण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।
