नयाँ खबर
महेन्द्रनगर–कञ्चनपुरमा एक महिलाको बेवारीसे अवस्थामा जंगलमा शव भेटिएको छ । शनिबार जिल्लाको भीमदत्त नगरपालिका १० तिल्केनीस्थित शान्ति सामुदायिक वनको बुन्यादल क्षेत्रमा ओडारमा अर्ध नग्न अवस्थामा अन्दाजी २५ बर्षिया युवतिको शव भेटिएको हो ।
घाँस दाउरा काट्न वन गएका स्थानीयले देखपछि प्रहरीलाई जानकारी गराएका हुन् । प्रहरीले शनिबार घटनास्थल मुचुल्का गरी शवलाई महाकाली प्रादेशिक अस्पताल ल्याएको छ ।
शवको अझै पहिचान खुल्न सकेको छैन । प्रहरीका अनुसार जुत्ता र कपडाको सिरान बनाएर सुतेको अवस्थामा शव भेटिएको छ । शव सड्न लागेको अवस्थामा भेटिएको छ। ती युवतीको अनुहार सडि सकेको छ । शरिरका अन्य भाग पनि सडेका छन् । शरिरमा धारिलो हतियार प्रहार गरिएका चोटपटक छन् । स्थानीयले बलात्कारपछि हत्या गरी शव जङ्गलमा लगेर फालिएको हुन सक्ने आशंका गरेका छन् ।
एक साता अघि शव ल्याएर त्यहाँ राखिएको हुन सक्ने आशंका गरिएको छ । जिल्ला प्रहरी कार्यालय कञ्चनपुरका प्रमुख प्रहरी उपरीक्षक खडक बहादुर खत्रीले वन क्षेत्रमा शव भेटिएको र त्यसको पहिचान हुन नसकेको बताए । जिल्ला प्रहरी कार्यालय कञ्चनपुरले शवको पहिचानका लागि महाकाली अञ्चल अस्पतालको शवगृहमा शवसंगै मृतकका कपडा र जुता पनि भएकाले पहिचान भएमा मृतकका आपन्तहरुमा सम्पर्कमा आउन आग्रह गरेको छ ।
परशुराम मिडिया प्रालि.द्धारा सञ्चालित नयाँ खवर डटकमले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषण समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेषण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।
