भीमदत्त अन्तर मावि स्तरीय टी-२० क्रिकेट प्रतियोगिताको उपाधिका लागि मर्निङ्ग ग्लोरी र इन्टर नेसनल भिड्दै

महेन्द्रनगर – भीमदत्त नगरपालिका अन्तर माध्यमिक विद्यालय स्तरीय टी २० क्रिकेट प्रतियोगितामा उपाधिका लागि मर्निङ्ग ग्लोरी र इन्टरनेशनल पब्लिक स्कुल भिड्ने भएका छन् ।

होली फेमली स्कुलको खेल मैदानमा जारी प्रतियोगिताको शुक्रबार सेमिफाइनलमा आयोजक होली फेमली स्कुललाई ८ विकेटले हराउँदै मर्निङ्ग ग्लोरी र शान्ति निकेतन माविलाई १११ रन अन्तरले पराजित गरी इन्टरनेशनल पब्लिकले फाइनल यात्रा तय गरेका छन् ।

शुक्रबार भएको पहिलो सेमिफाइनलमा यस जितेर ब्याटिङ गरेको होली फेमिली ले अल आउट हुदै ४२ रनको झिनो लक्ष्य दिएको थियो ।

जवाफी ब्याटिङ्गमा मर्निङ्ग ग्लोरीले १२ ओभरमा ८ विकेट गुमाउँदै लक्ष्य भेटाएको हो । मर्निङ्ग ग्लोरीका निशान्त भट्ट मेन अफ दि म्याच भए ।

दिउँसो सम्पन्न भएको दोस्रो सेमिफाइन खेलमा टस जितेर ब्याटिङ्ग रोजेको इन्टरनेशनले पूरै २० ओभर खेलेर १७३ रन बनाएको थियो ।
१ सय ७४ रनको लक्ष्य लिएर मैदानमा उत्रिएको शान्ति निकेतन ६२ रन बनाउँदा सबै विकेट गुमाएर अल आउट हुन पुग्यो । ६ विकेट लिएका इन्टरनेशनका प्रिन्स भण्डारी मेन अफ दि म्याच भए ।

होली फेमली स्कुलले भीमदत्त नगरपालिको सह प्रायोजनमा गरेको प्रतियोगितामा १८ विद्यालयले भाग लिएका छन् । प्रतियोगितामा विजेताले नगद ५१ हजार १ सय ११ रुपैयाँ सहित ट्रफी र उप विजेताले नगद ३१ हजार १ सय ११ पुरस्कार सहित ट्रफी पाउने छन् ।
यसैगरी म्यान अफ द म्याच लाई १ हजार ५ सय, बेस्ट बलर र बेस्ट ब्याट्सम्यान लाई जनही २ हजार ५ सय, म्यान अफ द सिरिज लाई ३ हजार तथा उदयीमान खेलाडीलाई १ हजार ५ सय रुपैयाँसहित ट्रफी र मेडल प्रदान गरिनेछ ।
होली फेमली स्कुलले भीमदत्त नगरपालिकाको सह प्रायोजनमा आयोजना गरेको प्रतियोगिता शनिबार समापन हुने विद्यालयका एसिस्टेन्ट मेनेजर महादेब प्रसाद भट्टले बताए । फाइनल खेलमा शनिबार २ः३० बजे हुने बताइएको छ ।