सात पटकको क्षेत्रीय विद्यालय शिल्डधारी ईन्टरनेशनल पब्लिक स्कुलले मनायो २९औँ बार्षिकोत्सव तथा अभिभावक दिवस

महेन्द्रनगर– सुदूरपश्चिम क्षेत्रकै अग्रणी शैक्षिक संस्था ईन्टरनेशनल पब्लिक स्कूलले २९औ बार्षिकोत्सव तथा अभिभावक दिवस मनाएको छ । सात पटक क्षेत्रीय विद्यालय शिल्ड जित्न सफल ईन्टरनेशनल पब्लिक स्कुलले विहिबार सुदूरपश्चिम विश्वविद्यालय सेवा आयोगका अध्यक्ष यज्ञराज भट्टको प्रमुख आतिथ्यता एवं विद्यालय व्यवस्थापन समिति अध्यक्ष लिलाध्वज बस्नेतको अध्यक्षतामा बार्षिकोत्सव भव्यरुपमा मनाएको हो ।

बार्षिकोत्सवमा प्रिन्सिपल राजेन्द्र प्रशाद भट्टले शैक्षिक प्रगति प्रतिवेदन प्रस्तुत गर्दैै स्कूलको थप शैक्षिक स्तर बृद्धिका लागि स्मार्ट विधिबाट कक्षा संचालन गर्ने बताए । उनले विद्यालयबाट उत्पादित जनशक्ति देशका विभिन्न सरकारी, गैर सरकारी क्षेत्रमा मात्रै नभई अन्तराष्ट्रिय संघसस्थामा उच्चपदमा रहेका कारण नै विद्यार्थीदेखि अभिभावकको स्कूलप्रति विश्वास बढेको बताए । विद्यालयले विद्यार्थीलाई सफल बनाउने लक्ष्य राखेर शिक्षा प्रदान गरि रहेको प्रिन्सिपल भट्टले बताए । ‘हाम्रो विद्यालयमा प्रविधिमैत्री शिक्षा छ, स्मार्ट बोर्डबाट पठनपाठ गर्छौ, चक डस्टरको प्रयोग हुँदैन, विद्यार्थी केन्द्रित शिक्षण विधिमा जोड दिन्छौ’ उनले भने,‘बाल बालबालिकाको सर्वाङ्गिण विकास होस भन्ने चाहन्छौ, युग सुहाउँदो शिक्षामा जोड दिएका छौ र हामी बालबालिकालाई सफल बनाउन चाहन्छौ ।’

सुदूरपश्चिम कै महिला क्याम्पस प्रमुख रहेका सिद्धनाथ विज्ञान क्याम्पस महेन्द्रनगरका क्याम्पस प्रमुख डा. तिलमाया ढकाललाई सम्मान गरेको छ । प्राद्याध्याक डा. ढकाललाई दोसल्ला, प्रसंसा पत्रका साथ सम्मान गरेको छ । कार्यक्रममा एनसीसीदेखि अन्य शैक्षिक, खेलकुद, अतिरिक्त कक्षा सहितका विधामा उत्कृष्ठ विद्यार्थी, शिक्षक, समाजिक क्षेत्रका व्यक्तित्वहरुलाई पुरस्कार वितरणका साथै विभिन्न कला, साहित्य, संस्कृति प्रस्तुत गरिएको थियो ।

सुदूरपश्चिम विश्वविद्यालयका सेवा आयोग अध्यक्ष यज्ञराज भट्टले निजी क्षेत्रबाट संचालित ईन्टरनेशल पब्लिक स्कुलले शैक्षिक गुणस्तर निरन्तर कायमै राखेको बताए । कार्यक्रममा भौतिक सहभागि नभएपनि शुभकामना सन्देश मार्फत विद्यालय संचालक समिति अध्यक्ष गौराज बहादुर लिम्बुले विद्यालयले विद्यार्थीलाई भविष्यकै कर्णधार बनाउने गरेर अघि विश्वास दिलाए । अहिलेसम्म पनि विद्यालयले शिक्षक, विद्यार्थी, अभिभावक, सरोकारवालाकै समन्वय, सहकार्यदेखि शिक्षक, विद्यार्थीको उच्च मेहनताका साथ शैक्षिक प्रगति भएको बताए । कार्यक्रममा विद्यार्थी, शिक्षक, कर्मचारी, अभिभावक सहितका सरोकारवालाको सहभागिता रहेको थियो ।

२०६३ सालको एसएलसिमा ईन्टरनेशनल स्कूलबाट सुभास लामिछाने नेपाल तस्रो भएका थिए । उनी अहिले स्वास्थ्य क्षेत्रमा चिकित्सकको रुपमा काम गरीरहेका छन् । २०६५ मा पहिलो पटक शिल्ड पाएको विद्यालयले त्यसपछि २०६९, २०७०, २०७१, २०७२ र २०७४ मा पाएको थियो ।