भृकुटी माविमा अध्ययन गरेका १२ विद्यार्थी सरकारी सेवामा प्रवेश गर्दै

महेन्द्रनगर – महेन्द्रनगरको मुटुमा रहेको भृकुटी माध्यमिक विद्यालय महेन्द्रनगरमा अध्ययन गरेका १२ विद्यार्थीले लोक सेवाले लिएको परिक्षा उत्तिर्ण गरेका छन् ।

नेपाल विद्युत प्राधिकरणले विभिन्न पदका लागि २०८१/०८२ मा खोलेको विज्ञापन अन्तरगत भृकुटी मावि महेन्द्रनगरबाट ईलेक्ट्रोनिक ईन्जिनियरिङ्ग अध्ययन गरेका १२ जनाले पाचौ तहमा एकै पटकमा नाम निकाल्न सफल भएका हुन ।

उनीहरुले लोकसेवाद्धारा लिईएको परिक्षाको अन्तिम चरण अन्तरवार्ता पास गरी पोष्टिङको तयारीमा रहेको विद्यालयका ईन्जिनियरिङ्ग संकायका संयोजक चक्र बहादुर महराले बताए ।

‘यसै विद्यालयबाट तिन बर्षे डिप्लोमा तहको ईलेक्ट्रोनिक ईन्जिनियरिङ्ग पढेका १२ जना विद्यार्थीले यस बर्ष नेपाल विद्युत प्राधिकरणमा नाम निकाल्न सफल भएकाछन्,’ उनले भने ‘अभिल्लो बर्षपनि १३ जनाले नाम निकालेर विद्युत प्राधिकरणको विभिन्न वितरण केन्द्रहरुमा कार्यरत रहेकाछन् यो विद्यालयको लागि निकै नै ठूलो सफलता हो ।’

उनका अनुसार सुरेन्द्र जोशी, सागर भट्ट, मदन टुकुरिया, दिनेश चन्द्र ओझा, निशा ओझा, समिर दास, प्रदिप कुँवर, राजेश चौधरी, पारस जोशी, हरिस धामी, कपिल जोशी र दिपेश अवस्थीले २०८१/०८२ विज्ञापन अन्तरगत नेपाल विद्युत प्राधिकरण पाँचौ तहमा नाम निकालेका हुन ।
त्यसैगरी भृकुटीमाविबाटै तिन बर्षे ईलेक्ट्रोनिक ईन्जिनियरिङ्ग पास गरेका विशेष शाह, सन्तोश खडायत, दिपक चौधरी, महेश अवस्थी, रोहित बोहरा, मदन टुकुरिया, हरिश महरा, हरीश धामी, लोकराज जोशी, ओम प्रकाश जोशी, रविन्स भट्ट नेपाल विद्युत प्राधिकरणका विभिन्न पदमा कार्यरत रहेका छन् ।

भृकुटी माध्यमिक विद्यालयबाट ईलेक्ट्रोनिक ईन्जिनियरिङ्ग पढेका विद्याथीहरु सरकारी तथा निजि कम्पनीहरुमा जागिर गरीरहेको विद्यालयका संयोजक महराले बताए । उनका अनुसार २५ जना सरकारी सेवामा प्रवेश गरेका छन भने विभिन्न जलविद्युत आयोजनाहरु चमेलिया, बुढीगंगा, दार्चुलाको नयाँ हाईड्रोपावर, पूर्व मध्य भोटेकोशी हाईड्रोपावर कम्पनीहरुमा कार्यरत रहेका छन् ।

भृकुटीमा तिनबर्षे, २ बर्षे ईलेक्ट्रोनिक ईन्जिनियरिङ्ग सहित कक्षा नर्सरी देखि कक्षा १२ सम्मको पढाई भईरहेको छ । भृकुटीमा २०७५ सालदेखि ईलेक्ट्रोनिक ईन्जिनियरिङ्गको पढाई हुदै आएको छ ।