पप्पु गुरुङ्ग, दोधारा । आज ३३ औं अन्तर्राष्ट्रिय अपाङ्गता दिवस, भिमदत्तनगरमा पनि विविध कार्यक्रमको आयोजना गरि मनाइएको छ् । भीमदत्त नगरपालिकाको आयोजना तथा नेपाल राष्ट्रिय समाज कल्याण संघ (एनएनएसडब्ल्यूए), अपाङ्गता सेवा संघ, नेपाल नेत्रहीन संघ, सूदुरपश्चिम समावेशी अपाङ्गता संघ, नेपाल अपाङ्ग महिला संघ र शारीरिक अपाङ्गता खेलकुद प्रवद्र्धन समाज कञ्चनपुरको सह–आयोजनामा ‘समावेशी तथा दिगो भविष्यको पूर्वाधार, अपाङ्गता भएका व्यक्तिहरुको प्रवल नेतृत्व यसको आधार’ भन्ने मूल नारा सहित यस वर्षको अपाङ्गता दिवस मनाइएको हो । संयुक्त राष्ट्र संघले सन् १९८१ लाई अपाङ्गता वर्ष घोषणा गरि विश्वव्यापी रुपमा मनाउन आह्वान गरेपछि प्रत्येक वर्ष डिसेम्बर ३ मा विश्वभर अपाङ्गता दिवस मनाउन सुरु गरिएको हो । कार्यक्रममा भीमदत्त नगरपालिकाका उपमेयर तथा स्थानीय समन्वय समिति संयोजक नीलम लेखक जोशीले ३३ औं अन्तर्राष्ट्रिय अपाङ्गता दिवसको शुभकामना व्यक्त गर्दै अपाङ्गता भएका व्यक्तिहरुको समावेशी प्रतिनिधित्व र उनिहरुको दिगो भविष्य निर्माणका लागि भीमदत्त नगरपालिका सदैव प्रतिवद्ध रहेको बताउनुभयो ।
उहाँले अपाङ्गता भएका व्यक्तिहरुको आर्थिक उन्नती, जिविकोपार्जन साथै हरेक क्षेत्रमा समावेशी प्रतिनिधित्व सुनिश्चित गर्नका लागि नगरपालिकाले बजेट विनियोजन गरि काम गर्दै आएको बताउनुभयो । सूदुरपश्चिम प्रदेश स्थानीय समन्वय समिति सदस्य उपेन्द्र बहादुर खडायतले नेपाल सरकारले अपाङ्गता भएका व्यक्तिहरुको सम्मानजनक बाच्न पाउने अधिकारलाई सुनिश्चित गर्दै आएको भएपनि अझै धेरै अपाङ्गता भएका व्यक्तिहरु शिक्षा, स्वास्थ्य, रोजगारी र पुनरस्थापनाबाट बञ्चित रहेको बताउनुभयो । उहाँले अपाङ्गता भएका व्यक्तिहरुको समावेशी प्रतिनिधित्व स्थापित गर्नका लागि सरोकारवाला संस्थाहरुले राज्यसाग वकालत गर्नुपर्नेमा जोड दिनुभयो ।
कार्यक्रममा नेपाल राष्ट्रिय समाज कल्याण संघ (एनएनएसडब्ल्यूए) का मानव संसाधन तथा संस्थागत विकास व्यवस्थापक बिनोद बिक्रम जैरुले अपाङ्गता भएका व्यक्तिहरुको अधिकारको सुनिश्चितता, उनिहरुको समावेशी प्रतिधित्व र हरेक कार्यालय तथा निकायहरुमा पहुँच स्थापनाका लागि नीति निर्माताहरुले ध्यान पुर्याउनुपर्ने बताउनुभयो । दिवसको अवसरमा भिमदत्तनगरको संविधान चोकदेखि सुरु भएको प्रभात फेरी र्याली स्मारकमा पुगेपछि कार्यक्रम समापन गरिएको थियो ।
दिवसको पूर्वसन्ध्यामा संविधान चोकमा दिप प्रज्वलन कार्यक्रम गरिएको हो त्यस्तै विभिन्न खेलकुद कार्यक्रमको आयोजना समेत गरिएको थियो भने खेलकुद प्रतियोगिताका विजेताहरुलाई पुरस्कार स्वरुप नगद साथै प्रमाण पत्र हस्तान्तरण गरिएको छ् ।
परशुराम मिडिया प्रालि.द्धारा सञ्चालित नयाँ खवर डटकमले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषण समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेषण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।
