नयाँ खबर
धनगढी–सुदूरपश्चिमका मुख्यमन्त्री कमल बहादुर शाहले उद्योग, पर्यटन, वन तथा वातावरण मन्त्री रामेश्वर चौधरीलाई बर्खास्त गरेपछि नागरिक उन्मुक्ति पार्टी सरकारबाट बाहिरिने भएको छ । आफ्नो पार्टीका तर्फबाट सुदूर पश्चिम प्रदेश सरकारमा मन्त्री रहेका चौधरीलाई हठात बर्खास्त गरेपछि क्रुद्ध भएका नागरिक उन्मुक्ति पार्टीका संरक्षक रेशमलाल चौधरी र अध्यक्ष रञ्जिता चौधरीले सरकारबाट बाहिरिने निर्णय गरेका छन् । संघ र प्रदेशमा सत्ता गठबन्धनमा रहेको नागरिक उन्मुक्ति पार्टी दुबै सरकारबाट बाहिरिने भएको छ ।
अध्यक्ष रञ्जिता श्रेष्ठले संघीय सरकारमा पर्यटन राज्यमन्त्री रहेका अरुण चौधरीले भोलि राजीनामा दिने बताएकी छन् । उनले नागरिक उन्मुक्ति पार्टी अव प्रतिपक्षमा बस्ने बताईन । ‘संरक्षक ज्युको सल्लाहमा प्रदेश सभा र संघीय सरकममा प्रतिपक्षमा बस्ने सहमति भएको छ’, उनले भनिन् ।
पार्टीको सल्लाह बिना मन्त्रीहरूलाई बर्खास्त गरेपछि सरकार बाट फिर्ता हुने तयारी गरिएको संरक्षक रेशमलाल चौधरीले बताए । उनले सामाजिक सञ्जालमार्फत नागरिक उन्मुक्ति पार्टी सरकारबाट बाहिरिने र प्रतिपक्षमा बस्ने उल्लेख गरेका छन् । सुदूरपश्चिम प्रदेशका उद्योग पर्यटन वन तथा वातावरण मन्त्री रामेश्वर चौधरीलाई शुक्रबार कार्यशैलीप्रति असन्तुष्टि देखाएका मुख्यमन्त्री शाहले बर्खास्त गरेपछि नाउपा रुष्ट भएको हो ।
परशुराम मिडिया प्रालि.द्धारा सञ्चालित नयाँ खवर डटकमले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषण समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेषण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।
