पिपिआर रोगविरुद्ध खोपकार्य सम्बन्धी खोपकर्ताहरुलाई एक दिने अभिमुखिकरण गोष्ठी सम्पन्न

महेन्द्रनगर : महेन्द्रनगरमा पिपिआर रोग विरुद्ध खोप कार्य सम्बन्धी खोपकर्ता(भ्याक्सिनेटर) हरुका लागि एक दिने अभिमुखीकरण गोष्ठी सम्पन्न भएको छ ।
सोमबार भेटेरिनरी अस्पताल तथा पशु सेवा विज्ञ केन्द्र कञ्चनपुरको आयोजनामा उक्त गोष्ठि सम्पन्न भएको हो । भेटेरीनरी अस्पताल तथा पशु विज्ञ केन्द्र कञ्चनपुरका कार्यालय प्रमुख श्याम सिंह खड्काको अध्यक्षता सम्पन्न भएको उक्त गोष्ठिमा पशुपन्छी तथा मत्स्य विकास निर्देशनालयका निर्देशक डा. पान सिंह ठगुन्ना प्रमुख अतिथी रहनु भएको थियो । त्यसैगरी विशिष्ठ अतिथिमा पशु रोग अन्वेषण प्रयोगशाला धनगढीका प्रमुख डा.नरेश जोशी रहनु भएको थियो ।

कार्यक्रममा पशुपन्छी तथा मत्स्य विकास कार्यालयका निर्देशक ठगुन्नाले कार्यपत्र प्रस्तुत गर्दै पशुहरुमा खोप लगाउनुको महत्व, पशुहरुलाई महामारी रोगबाट बचाउन प्रदेश सरकारको भूमिका, पशुजन्य उत्पादनको निर्यातमा रोगमुक्त पशुजन्य उत्पादनको आवश्यकता रहेको बताउनु भयो ।
त्यसैगरी कार्यक्रममा पशु रोग अन्वेषण प्रयोगशाला धनगढीका प्रमुख डा. जोशीले खोपलाई प्रभावकारी ढंगले कृषकको गोठसम्म पु¥याउने र उपयुक्त ढंगले खोप लगाउने तथा भ्याक्सिनको सुरक्षित राख्ने र कोल्डचेन मेन्टेन कसरी गर्ने भन्ने विषयमा सहभागिहरुलाई जानकारी दिनु भएको थियो ।

मंगलबारबाट जिल्लाका सबै स्थानीय तहहरुमा साताव्यापि कार्यक्रम सञ्चालन गरिने भेटेरिनरी अस्पताल तथा पशु सेवा विज्ञ केन्द्र कञ्चनपुरका कार्यालय प्रमुख खड्काले बताउनु भयो । उहाँका अनुसार साताभरीमा प्रत्येक पालिकाको वडा वडामा गएर पशुहरुलाई पिपिआर विरुद्धको खोप लगाईने छ । भेटेरिनरी अस्पताल तथा पशु सेवा विज्ञ केन्द्र कञ्चनपुरका अनुसार गाई भैसी तथा बाख्रामा लाग्ने खुरेत रोग निर्मुल गर्नको लागि खोप अभियान सञ्चालन गरीएको हो ।