नयाँ खबर
महेन्द्रनगर – कञ्चनपुर जिल्लाको दोधारा चाँदनी नगरपालिकाले आधारभूत तालिम लिएर आएका नगर प्रहरीलाई स्वागत गरेको छ । नगरपालिकाले स्थानीय तह सञ्चालन ऐन २०७४ मा नगर प्रहरीको व्यवस्था गरिए अनुरुप नगर प्रहरी ऐन निर्माण गरी नगर प्रहरीको भर्ना लिई आधारभूत तालिम गर्न सशस्त्र प्रहरी बल नेपाल शैलेश्वरी गणमा पठाएको थियो । आईतबार आधारभुत तालिम लिएर फर्केका १५ जना नगर प्रहरीलाई औपचारीक कार्यक्रमको आयोजना गरी स्वागत गरिएको हो ।
दोधारा चाँदनी नगरपालिकाका नगर प्रहरीले पालिकामा शान्ति, सुरक्षा र स्थानीय तहको सेवा प्रवाहमा महत्वपूर्ण सहयोगी भूमिका निर्वाह गर्ने छन् । नगर प्रमुख किशोर कुमार लिम्बुले नगरप्रहरीलाई बधाई तथा स्वागत गर्दै आफ्नो कर्तव्य र जिम्मेवारी प्रति वफादार भएर काम गर्न निर्देशन दिनुभयो । नगर प्रहरीको स्वागत कार्यक्रममा दोधारा चाँदनी नगरपालिकाका प्रमुख किशोर कुमार लिम्बु, प्रमुख प्रशासकिय अधिकृत गणेश दत्त मिश्र, वडाध्यक्ष लगाएत नगर प्रहरीको उपस्थिती रहेको थियो ।
लगनशिल, कर्मठ र योग्य कर्मचारीको रुपमा आफुलाई स्थापित हुने गरी आफ्नो भूमिका उत्कृष्ट बनाउन दिक्षित भई आएका नगर प्रहरीलाई दोधारा चाँदनी नगरपालिकाका नगरप्रमुख किशोर कुमार लिम्बु, प्रमुख प्रशासकिय अधिकृत गणेश दत्त मिश्र, वडाध्यक्षहरुले अविर फुल गुच्छाले स्वागत गर्दै आफ्नो जिम्मेवारी कुसलतापुर्वन निभाउन निर्देशन दिनुभयो ।
नगर प्रहरी जवानहरुले तालिममा हासिल गरेका ज्ञान, सीप र कौशललाई कार्य क्षेत्रमा प्रतिबद्ध भएर कार्यान्वयन गर्ने तथा नगर प्रहरी संगठनको मान प्रतिष्ठा उच्च वनाउन सफल हुने विश्वास प्रमुख प्रशासकिय अधिकृत गणेश दत्त मिश्रले व्यक्त गर्नुभयो ।
दोधारा चाँदनी नगर प्रहरीमा एक जना असई, दुई हवल्दार र १२ जना सिपाही गरि जम्मा १५ जना नगर प्रहरी रहेका छन् ।
परशुराम मिडिया प्रालि.द्धारा सञ्चालित नयाँ खवर डटकमले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषण समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेषण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।
