होली फेम्ली राष्टिय क्रिकेट ‘स्कुल लेबल च्याम्पियनसिप : बर्साले दुई खेल रद्द, महेन्द्रनगर नमुना र वात्सल्य विजयी

महेन्द्रनगर – होली फेम्ली राष्टिय क्रिकेट ‘स्कुल लेबल च्याम्पियनसिप अन्तरगत आज वर्षका कारण दुई खेल रद्द भएका छन्। भने महेन्द्र नमुना मावि र वात्सल्य विद्या निकेतन विजयी भएका छन् ।
शुक्रबार महाकाली सेकेन्डरी स्कुल र नवप्रतिभा सेकेन्डरी स्कुल बीच हुने भनिएको खेल एवं लिटिल स्टार पब्लिक स्कुल र ज्ञानुदय पब्लिक एकेडेमी बीचको खेल बर्साका कारण रद्द भएका हुन् । चारै टिमले एक/एक अङ्क बाँडेका छन् ।

वर्षा रोकिएपछि भएको लिटिल बुद्ध एकेडेमी र महेन्द्रनगर नमुना मावि बीचको खेलमा महेन्द्रनगर नमुना माविले जित हात पारेको छ । टस जितेर पहिलो फिल्डिङ रोजेको नमुना माविले लिटिल बुद्ध एकेडेमीलाई ८.४ ओभरमै ४७ रनमा रोकेको थियो। लिटिल बुद्ध एकेडेमीका एकजना खेलाडीले १८ रन जोड्नु बाहेक अन्य खेलाडीले दोहोरो अङ्क समेत बनाउन सकेनन् । महेन्द्र नमुना माभिका खेलाडीले उनीहरूलाई घुँडा टेकाएका हुन् । महेन्द्र नमुना माविका तर्फबाट सुमित धामीले १ दशमलव ४ ओभर बलिङ गर्दै चार विकेट लिएका छन्। उनले एक रन मात्र खर्चेका छन्। त्यसैगरी २ दशमलव ३ ओभर बलिङ गरेका सुरज जोशीले छोरन खर्चिदै तीन विकेट हात पारे।
४८ रनको झिनो लक्ष्य पाएको महेन्द्र नमुना माविले ११.३ ओभर मै नौ विकेटको क्षतिमा लक्ष्य भेट्टाएको हो। लिटिल बुद्धका केशव चन्दले चार तथा स्वयंम भट्टले तीन विकेट हात पारे । बलिङतर्फ महेन्द्रनगर नमुना माभिका पुष्पराज थापाले १८ रन बनाउँदै स्कुललाई एक विकेटले जित दिलाएका थिए।
त्यसैगरी आजै भएको दोस्रो खेलमा वात्सल्य विद्या निकेतनले कञ्चनजङ्गा बोर्डिङ स्कुललाई ३३ रनले पराजित गरेको छ ।
टस जिते र पहिलो ब्याटिङ गरेको वात्सल्य विद्या निकेतनले निर्धारित १५ ओभर पुरै खेल्दै छ विकेटको क्षतिमा १०६ रन बनाएको हो। वात्सल्यका मानव बिष्टले २५ बलको सामना गर्दै ३१ रन जोड्न सफल भए। त्यसैगरी ३१ बलको सामना गरेका अनुप जोशीले २० रनको योगदान दिए। सहजकञ्चनजङ्गा इङ्लिस बोर्डिङ का रोशन सानले तीन ओभर बलिङ्ग गर्दै तीन विकेट हात पारे। उनले १६ रनमा मात्रै खर्चेका हुन् ।
१०७ रनको लक्ष्य पछ्याउँदै जवाबी ब्याटिङ गरेको कञ्चनजङ्गा इङ्लिस बोर्डिङले १४ दशमलव ४ ओभरको खेलको समाप्तिमै सम्पूर्ण विकेट गुमाएको हो। कञ्चनजङ्गा बोर्डिङ स्कुलले ७३ रन मात्रै बनाउन सक्यो।
कञ्चनजङ्गका लागि गौरव मल्लले ३१, रोशन साउद र निशान थापाले समान १२/१२ रनको योगदान दिए पनि त्यो जीतका लागी प्रयाप्त हुन् सकेन ।
बलिङतर्फ वात्सल्यका हिमाल पन्तले तीन ओभरमा दुई मेडन राखी १ रन खर्चिदै चार विकेट हात पारे।
साथै प्रतियोगितामा समूह ए बाट महाकाली सेकेन्डरी स्कुल गुलरिया र समूह सी बाट होली फेमिली इङ्लिस मिडियम स्कूलले सेमीफाइनलको यात्रा तय गरिसकेका छन् । भने बि र डी बाट बाकी छ । चार समुहका विजेता टिमले सेमीफाइनल खेल्ने छन् ।
च्यामियनशिपमा १६ विद्यालयको सहभागिता रहेका छन् । प्रतियोगितामा च्याम्पियन बन्ने टिम कञ्चनपुरको प्रतिनिधित्व गर्दै सुप स्तरीय क्रिकेट प्रतियोगिता खेल्नेछ । प्रतियोगिता असार ३ गते समापन हुनेछ । १६ टीमलाई ४ समूहमा विभाजन गरी प्रतिस्पर्धा गराउँदै छ ।