प्याब्सन कञ्चनपुरको दोस्रो परिषद् भेलाको उद्घाटन सत्र सम्पन्न

महेन्द्रनगर – प्याब्सन कञ्चनपुरको दोस्रो परिषद् भेलाको उद्घाटन सत्र सम्पन्न भएको छ । शनिबार चेतन होटलमा सम्पन्न भएको उदघाटन शत्रको प्रमुख अतिथि सुदूरपश्चिम प्रदेशका नीति तथा योजना आयोगका सदस्य हिरा चन्द रहेकामा प्याब्सन कञ्चनपुरका अध्यक्ष महादेव प्रसाद भट्टले अध्यक्षता गरेका थिए ।
कार्यक्रममा प्याब्सन सुप प्रदेश अध्यक्ष सिवि चन्द, निर्माण अध्यक्ष पुष्पराज अवस्थी, सामुदायिक सेवा केन्द्र तथा प्रहरी सेवा केन्द्र महेन्द्रनगरका अध्यक्ष भोज राज भट्ट, प्याब्सनका पूर्व केन्द्रीय उपाध्यक्ष दिपक चालिसे र केन्द्रीय सदस्य अम्मराज भट्ट विशिष्ठ अतिथि रहेका थिए ।
कार्यक्रममा ९ ओटै पालिकाका उत्कृष्ट जिपीए ल्याउने मध्येबाट एकएक जना गरी १० जना विद्यार्थीलाई सम्मान गरिएको थियो । उनीहरूलाई प्रतिविद्यार्थी ५ हजार नगद, प्रमाण पत्र, दोसल्ला सहित सम्मान गरिएको थियो । उनीहरूलाई प्रमुख अतिथिबाट पुरस्कार हस्तान्तरण गरिएको थियो । बेलौरी नगरपालिकाबाट २ जनाले समान जिपीए ल्याएका थिए । त्यसै गरी सम्पूर्ण सदस्य विद्यालयहरुलाई पनि सम्मान गरिएको थियो । १०५ सदस्य रहेका छन् । एन प्याब्सन त्याग्दै मर्निङ ग्लोरि र कृष्णपुर को एबी इंग्लिश बोर्डिङ स्कुलले प्याब्सनको सदस्यता लिएका छन् । नयाँ सदस्यता लिएका स्कुललाई औपचारिक रुपमा सदस्य हस्तान्तरण गरिएको थियो ।

बन्दशत्र पनि सुरु भएको छ । बन्दशत्रमा सचिवको बार्षिक प्रगति प्रतिवेदन र कोषाध्यक्षको आर्थिक प्रतिवेदन प्रस्तुत गरिने कार्यतालिका छ । त्यसैगरी आगामी वर्षको रणनीति तय गरिने प्याब्सन कञ्चनपुरका अध्यक्ष महादेव भट्टले बताए । बजार नजिक जग्गा खरिद गर्ने, संगठन विस्तार गर्ने लगायतका नीति अनुमोदन गरिने छन् ।

प्रमुख अतिथि रहेका सुदूरपश्चिम प्रदेशका नीति तथा योजना आयोगका सदस्य हिरा चन्दले शिक्षाको गुणस्तर वृद्धि गर्न र निजी विद्यालयको लागि आफ्नो र सरकारको तर्फबाट गर्नुपर्ने सहयोका लागि वचन बढ्द रहेको बताए ।
अध्यक्ष भट्टले प्याब्सन लाई सहयोग गर्ने सबै विद्यालयलाई सम्मान र सम्मानित हुने विद्यार्थीहरूलाई बधाई ज्ञापन गरे । उनले प्राइवेट एजुकेसन लागि भव्य र सब्य बनाउँदै शिक्षाको गुणस्तर वृद्धि गर्ने बताए ।
जिल्ला सचिव अक्कल बहादुर रोकायले सञ्चालन गरेको कार्यक्रममा शुभकामना मन्तव्य वरिष्ठ उपाध्यक्ष राकेश बहादुर चन्दले राखेका थिए ।