नयाँ खबर
महेन्द्रनगर, — एनएमबी बैंक लिमिटेड, शाखा कार्यालय महेन्द्रनगरले आफ्नो संस्थागत सामाजिक उत्तरदायित्व (सीएसआर) कार्यक्रमअन्तर्गत कञ्चनपुरका दुई सामुदायिक विद्यालयलाई शैक्षिक तथा आधारभूत पूर्वाधार विकासका लागि आर्थिक सहयोग प्रदान गरेको छ ।
बैंकले श्री सत्यवादी माध्यमिक विद्यालय तथा श्री शिव ज्ञानेश्वर आधारभूत विद्यालय, महेन्द्रनगरलाई डिजिटल शिक्षण–सिकाइलाई थप प्रभावकारी बनाउन कम्प्युटर खरिदका लागि आवश्यक आर्थिक सहयोग उपलब्ध गराएको हो ।
सहयोग हस्तान्तरण कार्यक्रममा बैंकका सिनियर एरिया म्यानेजर सुशील बहादुर सिंह, शाखा प्रबन्धक खेमराज उपाध्याय, व्यवसाय विकास प्रबन्धक अन्जु भट्ट तथा दुवै विद्यालयका प्रधानाध्यापक र शिक्षक–शिक्षिकाहरूको उपस्थिति रहेको थियो ।
कार्यक्रममा विद्यालयका प्रधानाध्यापकहरूले सामुदायिक विद्यालयको आवश्यकता पहिचान गरी गरिएको सहयोगका लागि एनएमबी बैंकप्रति आभार व्यक्त गर्दै यसले विद्यालयमा सूचना–प्रविधिमैत्री शिक्षण प्रणाली विकास गर्न महत्त्वपूर्ण योगदान पुग्ने विश्वास व्यक्त गरे ।
कार्यक्रमलाई सम्बोधन गर्दै बैंकका सिनियर एरिया म्यानेजर सुशील बहादुर सिंहले शिक्षा क्षेत्रमा गरिएको लगानीले समाजको दीर्घकालीन विकासमा सकारात्मक प्रभाव पार्ने उल्लेख गर्नुभयो। उहाँले संस्थागत सामाजिक उत्तरदायित्व र वित्तीय साक्षरतालाई सँगसँगै अघि बढाउँदै समुदायको समग्र विकासमा योगदान पुर्याउने बैंकको अभियान आगामी दिनमा पनि निरन्तर रहने बताउनुभयो ।
एनएमबी बैंकले विभिन्न सामाजिक उत्तरदायित्वका कार्यक्रममार्फत शिक्षा, स्वास्थ्य, वित्तीय साक्षरता तथा समुदायमुखी गतिविधिमा निरन्तर सहयोग गर्दै आएको छ ।
परशुराम मिडिया प्रालि.द्धारा सञ्चालित नयाँ खवर डटकमले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषण समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेषण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।
