नयाँ खबर
भुवन भट्ट,
कञ्चनपुर – कञ्चनपुरमा उत्कृष्ट तीन कृषकहरूलाई ‘भीमदत्त पन्त उत्कृष्ट कृषक’ पुरस्कारबाट सम्मानित गरिएको छ । विगत लामो समयदेखि कृषि क्षेत्रमा व्यवसाय गर्दै आउनुभएका तीन कृषकलाई सम्मानित गरिएको कृषि ज्ञान केन्द्र कञ्चनपुरले जनाएको हो । शुक्रबार कृषि ज्ञान केन्द्रले एक कार्यक्रमको आयोजना गरी विगत लामो समयदेखि कृषि क्षेत्रमा व्यवसाय गर्दै आउनु भएका कृष्णपुर नगरपालिका–५ का अर्जुन जेठारा, भीमदत्त नगरपालिका–१५ का सरस्वती पाण्डे र पुनर्वास नगरपालिका–६ का विमल भण्डारीलाई भीमदत्त पन्त उत्कृष्ट कृषक पुरस्कारबाट सम्मानित गरेको हो ।
उत्कृष्ट तीन जना कृषकलाई नगद २५ हजार र प्रमाणपत्रसहित सम्मानित गरिएको कृषि ज्ञान केन्द्रका प्रमुख महेशचन्द्र जोशीले जानकारी दिए । जिल्ला समन्वय समिति प्रमुख दुर्गादत्त बोहराले उनीहरुलाई नगदसहित प्रमाणपत्र हस्तान्तरण गरेका थिए । विसं।२०६४ सालमा तीन कठ्ठा जमिनबाट केरा खेती थाल्नुभएका अर्जुन जेठाराले हाल ३० बिघा जमिनमा केरा खेती गर्दै आउनुभएको छ ।
यस्तै, तीन वर्ष पहिले एक गाईपालनबाट व्यवसाय सुरु गर्नुभएका भीमदत्त नगरपालिका १५ का सरस्वती पाण्डेले हाल ३६ माउ भैँसी र गाई पालन गर्दै आएका छन् । यस्तै, पुनर्वास नगरपालिका ६ का विमल भण्डारीले १० वर्ष पहिले इजरायलमा साना किसानबाट तालिम लिनुभएको थियो । उनले हाल केरा खेतीसँगै खाद्यान्न बालीबाट मनग्य आम्दानी गर्दै आएका छन् ।
परशुराम मिडिया प्रालि.द्धारा सञ्चालित नयाँ खवर डटकमले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषण समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेषण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।
