१
Advertisement
नयाँ खबर
महेन्द्रनगर – कञ्चनपुरको भीमदत्त नगरपालिका–१५ गोबरियाका युवा सुनिल चन्दले काठमाडौंमा सम्पन्न २७औँ पुरुष राष्ट्रिय सुटिङ च्याम्पियनसिप–२०२६ मा उत्कृष्ट प्रदर्शन गर्दै रजत पदक जित्न सफल भएका छन् ।
काठमाडौंको नेशनल स्पोर्ट्स कम्प्लेक्स, सातदोबाटोमा जेठ २३ देखि २५ गतेसम्म सञ्चालन भएको राष्ट्रिय प्रतियोगितामा पुरुष १० मिटर एयर राइफल विधामा चन्दले दोस्रो स्थान(रजत पदक) हासिल गरेका हुन् ।
नेशनल सुटिङ च्याम्पियनसिप–२०२६ मा देशका सातवटै प्रदेश तथा तीन विभागीय टोली गरी कुल १० टोलीको सहभागिता रहेको थियो। प्रतियोगितामा १० टिमका ४०/४० महिला पुरुष गरी ८० जनाले प्रतिस्पर्धा गरेका थिए । रहेको थियो। सुनिल चन्दले हासिल गरेको सफलता सुदूरपश्चिम प्रदेशकै लागि गौरवको विषय बनेको छ।
कञ्चनपुरको भीमदत्त नगरपालिका–१५ गोबरियाका स्थायी बासिन्दा चन्दले आफ्नो प्रारम्भिक तथा माध्यमिक शिक्षा महेन्द्रनगरस्थित युनाइटेड पब्लिक स्कुलबाट पूरा गरेका हुन्। उनले सोही विद्यालयबाट एसईई उत्तीर्ण गरेका थिए।
अध्ययनसँगै खेलकुदमा पनि रुचि राख्दै आएका चन्दले स्नातक तहको अध्ययन गरिरहेका छन् । उमेरदेखि खेलप्रति रुचि राखेका उनी निरन्तर प्रशिक्षण र मेहनतका कारण राष्ट्रिय स्तरमा आफूलाई स्थापित गर्न सफल भएका हुन् ।
परशुराम मिडिया प्रालि.द्धारा सञ्चालित नयाँ खवर डटकमले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषण समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेषण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।
